បើនិយាយដល់ ចំណងដៃអាពាហ៍ពិពាហ៍ជាមួយនឹងអតីតស្វាមី គឺលោក យុត្ថារ៉ា ឆានី នោះ ជំទាវ ចន ច័ន្ទលក្ខិណា ទទួលបានកូនស្រីដ៏ស្រស់សោភាមួយរូប ដោយសព្វថ្ងៃស្ថិតក្នុងការមើលថែរបស់អ្នកម្តាយយ៉ាងចិត្តទុកដាក់។ យ៉ាងណាក៏ដោយ បើទោះជាបែកបាក់គ្នា និង មានគ្រួសាររៀងៗខ្លួនក្តី ជំទាវ ចន ច័ន្ទលក្ខិណា និង អតីតស្វាមី នៅតែបន្តរាប់អានគ្នាធម្មតាយ៉ាងស្និទ្ធស្នាល។
ងាកទៅកាន់ កូនស្រីបណ្តូលចិត្តរបស់ ជំទាវ ចន ច័ន្ទលក្ខិណា គឺកញ្ញា នី ហង្សាចូលី វិញ នៅក្នុងឆ្នាំ ២០២៥ នេះ នាងមានអាយុ ១៨ ឆ្នាំ ហើយ រីឯសម្រស់វិញ កាត់ទៅរកប៉ាម៉ាក់គ្មានទាស់នោះឡើយ។ ក្នុងនោះ ទាំងកម្ពស់កម្ពរ ទម្រង់មុខរបស់ កញ្ញា នី ហង្សាចូលី ចេញមក គឺស្តង់ដាស្រីស្អាតតែម្តង។
ជាការពិត ក្រោយពេញវ័យ ១៨ ឆ្នាំ មហាជនហាក់ចាប់អារម្មណ៍ដល់កូនស្រីរបស់ជំទាវ ចន ច័ន្ទលក្ខិណា កាន់តែមានទីផ្សារការងារ ដូចកាលពីម្តាយនៅវ័យក្មេងយ៉ាងដូច្នោះ ដោយពេលនេះ នាងបានក្លាយទៅជាអ្នកថតផ្សព្វផ្សាយផលិត និង ជា BA របស់ក្រុមហ៊ុនមួយចំនួនដែរ។
ក្នុងនោះ មហាជនក៏បានសរសើរដល់ជំទាវ ចន ច័ន្ទលក្ខិណា ដូចគ្នា ដែលបានមើលថែបីបាច់កូនស្រីតាំងពីតូច ដល់ពេញវ័យ និង ហ្វឹកហាត់កូនស្រីឱ្យដើរតាមគន្លងលើវិថីសិល្បៈយ៉ាងមានជំនាញដូចលោកជំទាវ៕
