កាលពីថ្ងៃទី ១៣ ខែសីហា ឆ្នាំ ២០២៥ កន្លងទៅ មន្រ្តីប៉ូលិសនៅប្រទេសថៃ បានបង្រ្កាបករណីគ្រឿងញៀនទ្រង់ទ្រាយធំមួយជាថ្មី ដោយរឹបអូសបានគ្រឿងញៀនចំនួន ៥ លានគ្រាប់ កំពុងលាក់នៅក្នុងឃ្លាំងមួយកន្លែង។
តាមព័ត៌មានបានឱ្យដឹងថា មន្រ្តីប៉ូលិសប្រឆាំងបទល្មើស បាននាំគ្នាចុះទៅឆែកឆេរឃ្លាំងមួយកន្លែង ស្ថិតក្នុងភូមិលេខ១៦ ឃុំខាំតាខ្លា ស្រុកខាំតាខ្លា ខេត្តសាគុនណាខន ហើយបានឃើញមានបាវចំនួន ១២ បាវ ដែលលាក់ទុកក្នុងរថយន្តម៉ាក Chevrolet ពណ៌ខ្មៅ ដោយក្នុងនោះមានគ្រឿងញៀនមេតំហ្វេតាមីនសរុបចំនួន ៥ លានគ្រាប់។
យ៉ាងណាមិញ គ្រឿងញៀនទាំងអស់ត្រូវបានរឹបអូស ទុកជាវត្ថុតាងនៅប៉ុស្តិ៍នគរបាលខេត្តសាគុនណាខន។ ដោយឡែក ប៉ូលិសបានស្រាវជ្រាវចាប់អ្នកជួលឃ្លាំងនេះបានផងដែរ ដែលជាយុវជនវ័យ ១៨ ឆ្នាំ ដោយសង្ស័យថាជាអ្នកជួយគ្រឿងញៀនខាងលើនេះ៕
ប្រភព៖ Khaosod
