ស្រីស្អាតម្នាក់ ឆ្លងមេរោគម្យ៉ាង បណ្ដាលឱ្យរលាកចម្រុះរ៉ាំរ៉ៃរាប់ឆ្នាំ ដោយសារសង្សារចាស់ផោមដាក់មុខ

ស្រ្តីជនជាតិអាមេរិកម្នាក់ កំពុងតែធ្វើឱ្យមហាជនចាប់អារម្មណ៍ និង មានការហួសចិត្ត ក្រោយពីនាងបានទម្លាយរឿង៉រ៉ាវខ្លួន​ឯងថា នាងឈឺរលាកច្រមុះរ៉ាំរ៉ៃរាប់ឆ្នាំ គឺដោយសារតែសង្សាចាស់ធ្លាប់ផោមដាក់មុខ។

ស្រ្តីរូបនេះមានឈ្មោះថា Christine Connell នាងបានរៀបរាប់ឱ្យដឹងថា កាលពី ៧ ឆ្នាំមុន ក្រោយពីនាងបានវះកាត់ក្បាលជង្គង់ហើយ នាងក៏បានទៅសម្រាកនៅសណ្ឋាគារជាមួយនឹងអតីតសង្សារ។ គេបានដេកបែរខ្នងដាក់នាង ហើយក៏ជ្រុលផោមដាក់មុខនាង​ វាមានក្លិនស្អុយខ្លាំងណាស់ តែនាងគេចមិនទាន់ឡើយ ព្រោះតែនៅឈឺជង្គង់នៅឡើយ។ តាំងពីពេលនោះមក នាងមានអាការតឹងច្រមុះរហូត ថែមទាំងឈឺពេញមុខពេញមាត់ ហើយក៏ឆ្លងមេរោគនៅក្នុងឆ្អឹងប្រហោងច្រមុះជាប្រចាំ ផឹកថ្នាំ និង បាញ់ស្រ្ពៃយ៉ាងណាក៏មិនបាត់ រហូតដល់នាងត្រូវទទួលការវះកាត់។

យ៉ាងណាមិញ គ្រូពេទ្យបានឱ្យដឹងថា មេរោគដែលនាងបានឆ្លង គឺជាមេរោគ (E. coli) ដែលភាគច្រើនវាជាមេរោគស្ថិតនៅក្នុងប្រព័ន្ធរំលាយអាហារ ជាពិសេសគឺពោះវៀន ទើបនាងជឿថា នាងបានឆ្លងមេរោគនេះ ដោយសារតែសង្សារចាស់របស់នាងផោមដាក់នោះឯង។ កាលនោះ នាងទើបតែវះកាត់ហើយ ធ្វើឱ្យប្រព័ន្ធរាងកាយខ្សោយ ទើបធ្វើឱ្យងាយនឹងឆ្លងមេរោគបាន តែបើកាលនោះនាងមិនបានវះកាត់ ប្រហែលជាគ្មានការឆ្លងមេរោគបែបនេះឡើយ៕

ប្រភព៖ Sanook