ស្រីស្អាតម្នាក់ទើបចោះក្រវិលច្រមុះថ្មីៗ ចង់សាកថ្ពក់នឹងកៅអីលេង មានអីជាប់ដោះមិនចេញឡើងផ្អើលដល់ក្រុមសង្គ្រោះមកជួយ

មានករណីដ៏គួរឱ្យហួសចិត្តលាយឡំនឹងការអស់សំណើចមួយនៅប្រទេសឥណ្ឌូនេស៊ី ដែលមាននារីម្នាក់ទើបតែចោះក្រវិលច្រមុះហើយ ស្រាប់តែយកទៅថ្ពក់ជាមួយកៅអីលេង មានអីជាប់ដោះមិនចេញ ទាល់តែផ្អើលហៅអ្នកសង្រ្គោះមកជួយ។

តាមព័ត៌មានបានឱ្យដឹងថា នារីខាងលើនេះ ទើបតែបានចោះក្រវិលច្រមុះមកថ្មីៗ ហើយខណៈកំពុងតែអង្គុយធ្វើការ នាងក៏នឹកឃើញយកក្រវិលច្រមុះរបស់ខ្លួននាងទៅថ្ពក់លេងជាមួយនឹងប្រហោងកៅអី ស្រាប់តែវាក៏ជាប់ដកមិនចេញសោះ។ ក្នុងនោះ មិត្តរួមការងាររបស់នាងក៏បានផ្អើលមកជួយដោះ តែក៏នៅតែដោះមិនចេញ ទើបសម្រេចចិត្តហៅក្រុមអ្នកពន្លត់អគ្គិភ័យមកជួយ តែក៏នៅតែដោះមិនចេញទៀត។

យ៉ាងណាមិញ ខាងក្រុមអ្នកពន្លត់អគ្គិភ័យក៏បានព្យាយាមយកទាំងនាងជាមួយនឹងកៅអីទៅកន្លែងស្ថានីយ៍ពន្លត់អគ្គិភ័យ ដើម្បីប្រើឧបករណ៍ដោះម្តង។ ក្រោយពីព្យាយាមដោះប្រមាណជាង ១០ នាទី ដោយប្រើឧបករណ៍ផ្សេងៗ ចុងក្រោយខាងអ្នកពន្លត់អគ្គិភ័យក៏ដោះបានសម្រេច ដែលធ្វើឱ្យនាងធូរទ្រូងផង អស់សំណើចផង និងហួសចិត្តខ្លួនឯងផងចំពោះករណីនេះ៕

សូមចុចទីនេះដើម្បីទស្សនាវីដេអូ៖

ប្រភព៖ Khoasod