ពិតជាធ្វើមហាជនអ្នកគាំទ្រកើតការរំជួលចិត្តយ៉ាងខ្លាំង ក្រោយពីបានឃើញតារាប្រុស Tor Thanapop សម្រក់ទឹកភ្នែកនៅមុខអ្នកកាសែត ទម្លាយពីការចែកផ្លូវគ្នាជាមួយសង្សារ ក្រោយពីរួមស្នេហាអស់រយៈពេល ១៣ ឆ្នាំ។
Tor បានឱ្យដឹងនៅក្នុងការសម្ភាសមួយ នាថ្ងៃទី ៩ ខែមករា ឆ្នាំ ២០២៥ កន្លងទៅថា តាមពិតទៅលោកមិនមានចេតនាចេញមុខប្រកាសរឿងនេះឡើយ ហើយក៏មិនបានមានចេតនាលាក់បាំងដែរ គ្រាន់តែយល់ថានេះជារឿងផ្ទាល់ខ្លួន។ លោកជាមួយនឹងសង្សារគឺពិតជាបានចែកផ្លូវគ្នាពិតមែន ប៉ុន្តែមិនមានបញ្ហាទាស់ទែងគ្នាទេ អាចនិយាយបានថាជាការមានគោលដៅផ្សេងគ្នា។
លោកបានគិត និង ពិភាក្សាជាមួយខាងស្រីល្អិតល្អន់ណាស់ហើយចំពោះការចែកផ្លូវគ្នានេះ ហើយបើទោះជាចែកផ្លូវគ្នាមែន លោកក៏ចង់នៅជាមិត្តដែលល្អសម្រាប់គ្នាទៅវិញទៅមក។ ចុងក្រោយលោកក៏បានសម្រក់ទឹកភ្នែក រួចបានឱ្យដឹងថា ទោះបីជាចប់គ្នាដោយល្អយ៉ាងណាក៏ដោយ តែមិនប្រាកដថាលោកមិនមានអារម្មណ៍ឈឺចាប់នោះទេ៕
ប្រភព៖ Kapook
