កាលពីថ្ងៃទី ១៧ ខែវិច្ឆិកា ឆ្នាំ ២០២៤ កន្លងទៅនេះ អ្នកគាំទ្រតារាចម្រៀងកាលពីអំឡុងឆ្នាំ ១៩៩០ និង សិល្បករជំនាន់មុនជាច្រើនមានក្តីរន្ធត់យ៉ាងខ្លាំង ក្រោយទទួលបានដំណឹងមរណភាពរបស់អតីតតារាចម្រៀងយ៉េយ៉េ អ៊ុំ គន្ធា ពីការជម្រាបដំណឹងពីអ្នកនាង ខាត់ សុឃីម និង លោក អ៊ឹម ជីវ៉ា។ ក្នុងនោះ មហាជន និង សិល្បករជាច្រើនក៏បានចូលរួមរំលែកទុក្ខ និង សោកស្តាយនៃការបាត់បង់អតីតតារាចម្រៀងស្រីរូបនេះផងដែរ។
យ៉ាងណាមិញ នៅព្រឹកថ្ងៃទី ១៨ ខែវិច្ឆិកា ឆ្នាំ ២០២៤ នេះ លោក អ៊ឹម ជីវ៉ា បានបង្ហាញវត្តមានទៅចូលរួមពិធីបុណ្យសពរបស់អ្នកនាង អ៊ុំ គន្ធា ដែលកំពុងរៀបចំឡើងនៅវត្តពោធិ៍ចិនតុង ផ្លូវសហព័ន្ធរុស្សី ខណ្ឌពោធិសែនជ័យ រាជធានីភ្នំពេញ។
ក្នុងនោះដែរ លោក អ៊ឹម ជីវ៉ា ក៏បានបង្ហាញទិដ្ឋភាពនៃពិធីបុណ្យសពអតីតតារាចម្រៀងយ៉េយ៉េ អ៊ុំ គន្ធា យ៉ាងស្រងេះស្រងោចបំផុត ដោយពិធីបុណ្យប្រព្រឹត្តទៅយ៉ាងស្ងប់ស្ងាត់ ក្រៀមក្រំ គួរឱ្យស្រណោះណាស់៕
រូបភាព៖ អ៊ឹម ជីវ៉ា
