មួយរយៈក្រោយនេះ ផលិតកម្មចម្រៀង Town Production បានបង្ហាញសកម្មភាពជាថ្មីរបស់ក្រុមចម្រៀងបុរស 4T ដែលនឹងត្រៀមត្រលប់មកវិញក្នុងពេលឆាប់ៗនេះ។ ជាក់ស្តែង តាមការបង្ហោះ Poster នៅលើផេកហ្វេសប៊ុកផ្លូវការ 4T ហ្រ្វធី ក្រុមចម្រៀងបុរសនេះ នឹងចេញបទចម្រៀងទោល Top ( We Never die ) ដែលនឹងបង្ហាញពីថាមពលកាន់តែអស្ចារ្យ។
អ្វីគួរឱ្យចាប់អារម្មណ៍ទៀតនោះ មុនពេលបទចម្រៀងចេញផ្លូវការ ឃើញថា ក្រុម 4T បានបង្ហោះរូបភាពសមាជិកជាបន្តបន្ទាប់ ដែលសមាជិកម្នាក់ៗបង្ហាញខ្លួនលើកនេះ ពិតជាសង្ហាប្លែក និង មានស្ទីលឡូយ ធ្វើឱ្យអ្នកគាំទ្រផ្ទុះការចាប់អារម្មណ៍យ៉ាងខ្លាំង។
សមាជិកក្រុមចម្រៀង 4T មានគ្នា ៤ នាក់ គឺ Meng Chhun, VPich, Fahn និង Sonan។ ដូច្នេះ ចង់ដឹងថា តើក្រុមចម្រៀងនេះនឹងត្រលប់មកជាមួយអ្វីដែលថ្មី មានថាមពលកម្រិតណា កុំភ្លេចតាមដានទាំងអស់គ្នាណា៎!៕
