អ្នកគាំទ្រ និយមតាមដានជីវិតគូរបស់កំពូលតារាចម្រៀង ឱក សុគន្ធកញ្ញា ច្បាស់ជាបានជ្រាបហើយ ពីជីវិតរស់នៅយ៉ាងមានសុភមង្គលរបស់អ្នកនាង និង ស្វាមី ដែលត្រូវបានចាត់ទុកជាក្រុមគ្រួសារគំរូ រស់នៅពោរពេញដោយក្ដីសុខ។
យ៉ាងណាមិញ បើនិយាយពីក្តីស្រឡាញ់ឯណោះវិញ ប៉ាម៉ាក់របស់អូន ឆលី និង Presley ក៏តែងតែបង្ហាញជានិច្ចនៅលើបណ្តាញសង្គមនានា មិនឱ្យចាញ់គូស្នេហ៍ដទៃទៀតនោះឡើយ។
ជាក់ស្តែង កាលពីថ្ងៃទី ១២ ខែកញ្ញា ឆ្នាំ ២០២៥ ជាថ្ងៃកំណើតរបស់ស្វាមីភ្លាម អ្នកនាង ឱក សុគន្ធកញ្ញា បានផុសសារទាំងយប់យ៉ាងមានន័យជូនពរប៉ាៗ អូន ឆលី និង Presley ។
ក្នុងនោះ សារអបអរថ្ងៃកំណើតស្វាមីអ្នកនាង ឱក សុគន្ធកញ្ញា បានរៀបារាប់ថា៖ «រីករាយថ្ងៃកំណើតប្ដីជាទីស្រលាញ់ អរគុណបង ដែលចូលមកក្នុងជីវិតអូន។ អរគុណ ដែលបងតែងតែមើលថែពួកយើងបានយ៉ាងល្អ។ អូនសូមបួងសួងទេវតាតាមថែរក្សាបង មានសេចក្ដីសុខ សុខភាពល្អ សម្រេចបំណងប្រាថ្នាគ្រប់យ៉ាងក្នុងជីវិត ជាពិសេសស្រលាញ់ប្រពន្ធកូនបែបនេះរហូតតទៅ»៕
