នៅព្រឹកថ្ងៃទី ១៩ ខែមិថុនា ឆ្នាំ ២០២៥ នេះ ស្នងការដ្ឋាននគរបាលរាជធានីភ្នំពេញ បានបញ្ជាក់ឱ្យបានដឹងថា នៅវេលាម៉ោង ២០:៤៥ នាទីយប់ ថ្ងៃទី ១៨ ខែមិថុនា ឆ្នាំ ២០២៥ មានករណីអគ្គិភ័យឆេះនៅចំណុចអាហារដ្ឋានចរណៃ ក្បាលដីលេខ ៧៤ ផ្លូវ ៣១៣ សង្កាត់បឹងកក់ទី ០២ ខណ្ឌទួលគោក រាជធានីភ្នំពេញ។
ទាក់ទិនទៅនឹងករណីនេះ ខាងស្នងការបានបញ្ជាក់ឱ្យបានដឹងថា ហេតុការណ៍អគ្គិភ័យឆាបឆេះនេះ បណ្តាលមកពីឆ្លងចរន្តអគ្គិសនីបង្កជាអគ្គិភ័យ ហើយអគ្គិភ័យនេះ បានធ្វើឱ្យឆេះខូចខាតសម្ភារខាងក្នុងអាហារដ្ឋានអស់ទាំងស្រុង និង ពុំបណ្តាលឱ្យឆេះរាលដាលដល់ផ្ទះក្បែរខាងឡេីយ។
លុះនៅវេលាម៉ោង ២១:២០ នាទីយប់ ខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ០៥ គ្រឿង ប្រេីប្រាស់ទឹកអស់ចំនួន ០៣ ឡានស្មើនឹង ១៨ ម៉ែត្រគូប៕
