នៅព្រឹកថ្ងៃទី ១៩ ខែកញ្ញា ឆ្នាំ ២០២៥ នេះ ទូរទស្សន៍ជាតិកម្ពុជាទទក បានជូនដំណឹងស្ដីអំពីស្ថានការណ៍នៅភូមិព្រៃចាន់ ឃុំអូរបីជាន់ ស្រុកអូរជ្រៅ ភូមិសាស្ត្រខេត្តបន្ទាយមានជ័យ។
តាមប្រភពពី ទទក បានឱ្យដឹងថា គិតត្រឹមម៉ោង ១០ ព្រឹក ថ្ងៃទី ១៩ កញ្ញា ២០២៥ ស្ថានការណ៍នៅភូមិព្រៃចាន់ ឃុំអូរបីរជាន់ ស្រុកអូរជ្រៅ មានភាពស្ងប់ស្ងាត់ តែទោះជាយ៉ាងណា ក៏កងទ័ពកម្ពុជាបន្តឈរជើងការពារ និង ប្រុងប្រយ័ត្នខ្ពស់ ដើម្បីទប់ស្កាត់ហេតុការណ៍ដែលអាចកើតមានឡើងជាយថាហេតុ។
សូមរំឭកផងដែរថា កាលពីថ្ងៃទី ១៧ ខែកញ្ញា ឆ្នាំ ២០២៥ កងកម្លាំងប្រដាប់អាវុធចម្រុះថៃ បានចូលមកបំពាន និង ប្រើហិង្សាលើប្រជាពលរដ្ឋខ្មែរ បណ្តាលឱ្យមានរងរបួស ៣០ អង្គ/នាក់ នៅចំណុចទីតាំងភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ៕
សូមទស្សនាទិដ្ឋភាពនៅព្រឹកថ្ងៃទី ១៩ ខែកញ្ញា នេះ ៖
