ស្ត្រីអង់គ្លេសម្នាក់ក្រោយប្តីស្លាប់ ដឹងថាខ្លួនស្រលាញ់ស្រីដូចគ្នា ពេលកំពុងអីៗជាមួយសង្សារ ស្រាប់តែព្រលឹងខ្មោចប្តីសុំចូលរួមសប្បាយដែរ

ស្ត្រីមេម៉ាយជនជាតិអង់គ្លេសម្នាក់បានអះអាងថា នាងបានរកឃើញក្តីសុខថ្មីបន្ទាប់ពីនាងបានប្រើជីវិតរួមមេត្រីជាមួយភាគី ៣ នាក់ ឬ threesome ដោយក្នុងនោះមានគូស្នេហ៍របស់នាងជាមនុស្សស្រីស្រលាញ់ភេទដូចគ្នា និង ព្រលឹងខ្មោចប្តីរបស់នាង។

ស្ត្រីរូបនេះមានឈ្មោះថា Nicky Wake អាយុ ៥៣ ឆ្នាំ​ នាងបានប្រាប់សារព័ត៌មាន Jam Press ថា នាងមិនជឿលើរឿងវិញ្ញាណនោះទេ ប៉ុន្តែនាងមានអារម្មណ៍ច្បាស់ថានៅពេលនាងរួមភេទជាមួយដៃគូស្រីភេទដូចគ្នា ប្តីរបស់នាងក៏បានចូលរួមផងដែរ។

នាងថាមុនពេលរឿងនេះកើតឡើង ប្តីរបស់នាងក៏បានមកពន្យល់សប្តិ ដោយចង់រួមភេទបែប ៣ នាក់ ឬ threesome ផងដែរ។ ក្នុងយល់សប្តិ នាងថែមទាំងធ្លាប់ប្រាប់ប្តីបែបនិយាយលេងទៀតថា នាងយល់ព្រម និង​ ធ្វើឡើងសម្រាប់ខួបកំណើត ៦០ ឆ្នាំរបស់ប្តីនាង។

តាមព័ត៌មាន ប្តីរបស់ Nicky Wake មានឈ្មោះថា Andy បានស្លាប់ដោយសារជំងឺកូវីដ-១៩ កាលពីឆ្នាំ ២០២០ ក្នុងវ័យ ៥៤ ឆ្នាំ។ ក្រោយពេលប្តីស្លាប់ នាងចាប់ផ្តើមដឹងខ្លួនស្រលាញ់មនុស្សស្រីដូចគ្នានៅក្នុងវ័យ ៤៩ ឆ្នាំ ដោយបានទាក់ទងជាមួយស្រីម្នាក់ជាមនុស្សចិត្តល្អ។

នាងបាននាំដៃគូស្រីនោះទៅដល់បន្ទប់ បន្ទាប់មកដៃគូក៏បានឃើញរូបថត Andy ដែលជាប្តីនាង ហើយនិយាយថា ប្តីនាងពិតជាស្អាត នាងចង់រួមភេទជាមួយអ្នកទាំងពីរតែម្តង ប្រសិនបើគាត់នៅរស់។ ដូចបំណង ពេលកំពុងរួមភេទ Nicky Wake មានអារម្មណ៍ថា ប្តីរបស់នាងក៏បានចូលរួមដែរ។

លើសពីនេះ អំឡុងពេលរួមភេទ នាងបានឮប្តីនាងនិយាយយ៉ាងច្បាស់ថា «អូនសមនឹងមានក្តីសុខហើយ តែកុំភ្លេចបងណា!»។ ភ្លាមនោះនាងក៏តបថា នាងនឹងមិនភ្លេចប្តីនាងទេ។ ចំណែកដៃគូស្រីរបស់នាងវិញ ពេលជួបរឿងនេះ នាងមិនជំទាស់អ្វីឡើយ នាងយល់ព្រមឱ្យព្រលឹងខ្មោចប្តីនៅស្រលាញ់គ្នាដូចដើម ហើយក៏ស្ថិតក្នុងទំនាក់ទំនងមនុស្ស និង ខ្មោចបែបនេះដល់សព្វថ្ងៃ៕​

ប្រភព៖ NYP