ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រតារាចម្រៀងរ៉េប Goofy បានបង្ហាញការអបអរដល់លោក ខណៈតារាចម្រៀងរ៉េបវ័យក្មេងរូបនេះបានប្រកាសដំណឹងត្រៀមទទួលសមាជិកថ្មី ជាកូនស្រីជាទីស្រឡាញ់។
ក្នុងនោះដែរ អ្វីដែលកាន់តែរំភើបទៀតនោះ ក្រោយរង់ចាំអស់រយៈពេលច្រើនខែកូនស្រីរបស់លោក Goofy នឹងបានឃើញពន្លឺព្រះអាទិត្យនៅថ្ងៃទី ១១ ខែកញ្ញា ឆ្នាំ ២០២៥ នេះហើយ រីឯឈ្មោះវិញ លោកប៉ាវ័យក្មេងរូបនេះក៏បានត្រៀមដាក់ឱ្យយ៉ាងពីរោះថា ដែន រតនៈនារីសុទិម៉ា ហៅ Jasmine។
តារាចម្រៀងរ៉េប Goofy បានរៀបរាប់ថា៖ «ប៉ា នឹងធ្វើជាប៉ាល្អរបស់កូន ប៉ានឹងលះបង់គ្រប់យ៉ាងដើម្បីកូន ទោះឥលូវប៉ាលំបាក តែប៉ាមិនឱ្យកូនស្រីប៉ាលំបាកទេ។ ថ្ងៃស្អែកប៉ាម៉ាក់ ហើយនឹងអ្នកគ្រប់គ្នា កំពុងរង់ចាំកូន 11/9/2025 អូនឈ្មោះ ដែន រតនៈនារីសុទិម៉ា ហៅក្រៅ (Jasmine) I’m hero for u my daughter»៕
