ស្ងាត់ៗ តារាកំប្លែង ស្រីចុប ថតរូបស្និទ្ធស្នាលនឹងបុរសសង្ហាម្នាក់ ហើយខាងប្រុសបញ្ជាក់ថាជាសង្សារ

និយាយពីតារាកំប្លែង ស្រីចុប ដែលគេស្គាល់ថាជាប្អូនស្រីបង្កើតរបស់ នាយចយ បច្ចុប្បន្ននាងបានធំពេញរូបពេញរាងហើយ រីឯសម្រស់ ការរៀបចំខ្លួន និង ពណ៌សម្បុរសាច់ឈាមក៏ស្អាតប្លែកជាងមុនដែរ។

ម្យ៉ាងវិញទៀត មួយរយៈក្រោយនេះ តារាកំប្លែង ស្រីចុប កំពុងក្ដោបបានប្រជាប្រិយភាពខ្លាំងជាមួយការសម្ដែងសាច់រឿងខ្លីៗបង្ហោះលើបណ្ដាញសង្គម ហ្វេសប៊ុក និង TikTok ដែលធ្វើឱ្យមហាជនចូលចិត្តតាមដានទស្សនា និង ផ្ទុះសំណើចសើចសប្បាយ។

ជាមួយនឹងការទទួលបានក្ដីស្រឡាញ់គាំទ្រតាមដានពីមហាជនចំពោះវីដេអូខ្លីៗនេះដែរ ស្រីចុប ក៏ក្ដោបបានទីផ្សារការងារជាច្រើន ដែលឃើញនាងលេចមុខក្នុងកម្មវិធីផ្សេងៗ ថតផ្សព្វផ្សាយផលិតផលក្នុងស្រុក និង ថតសំអាងការទៀតផង។

ដោយឡែក ក្រៅពីជីវិតសិល្បៈផ្សេងៗ ថ្មីៗនេះ ស្រីចុប ក៏កំពុងធ្វើឱ្យមហាជនចាប់អារម្មណ៍លើជីវិតឯកជនរបស់នាងទាក់ទងនឹងរឿងរ៉ាវស្នេហាដែរ ក្រោយពីឃើញហ្វេសប៊ុករបស់នាង បានបង្ហាញសកម្មភាពដំណើរកម្សាន្ត និង ស្និទ្ធស្នាលនឹងបុរសរូបសង្ហាម្នាក់ ដែលមហាជនសង្ស័យថាអ្នកទាំងពីរមានទំនាក់ទំនងពិសេសនឹងគ្នា។

លើសពីនេះ តាមរយៈការបង្ហោះលើហ្វេសប៊ុករបស់បុរសរូបសង្ហាម្នាក់នោះ ដែលលោកបានបង្ហាញរូបភាពជាគូនឹង ស្រីចុប យ៉ាងផ្អែមល្ហែម និង បញ្ជាក់ឱ្យដឹងថា អ្នកទាំងពីរជាសង្សារនឹងគ្នា៕