មហាជនអ្នកគាំទ្រពិតជាមានការភ្ញាក់ផ្អើល និង រំភើបសប្បាយមិនតិចឡើយ ក្រោយពីបានដឹងថា ថ្មីៗនេះតារាប្រុស Taecyeon បានលុតជង្គង់សុំសង្សាររៀបការយ៉ាងផ្អែមល្ហែមនៅមុខ Tour Eiffel ទីក្រុងប៉ារីស។
តាមព័ត៌មានបានឱ្យដឹងថា រូបភាពនៃការសុំរៀបការរបស់អ្នកពីរ ត្រូវបានផុសចេញពីគណនីរបស់ជាងថតរូបមួយប្រចាំទីក្រុងប៉ារីស។ ក្នុងរូបភាពទាំងនេះ បានបង្ហាញឱ្យឃើញថា Taecyeon បានលុតជង្គង់សុំសង្សាររៀបការដោយចិញ្ចៀនពេជ្រមួយវង់ធំ ព្រមទាំងបាច់ផ្កាមួយបាច់ ក្រោមបរិយាសកាសដ៏ផ្អែមល្ហែមនៅម្តុំ Tour Eiffel នាទីក្រុងប៉ារីស ហើយមើលទៅទឹកមុខរបស់អ្នកទាំងពីរពិតជាមានក្តីសុខខ្លាំងណាស់។
យ៉ាងណាមិញ មហាជនអ្នកគាំទ្រជាច្រើនបានចូលទៅខមមិនជាពាក្យពេចន៍អបអរសាទរយ៉ាងគគ្រឹកគគ្រេងចំពោះគូស្នេហ៍មួយនេះ ហើយក៏សង្ឃឹមថានឹងបានឃើញពួកគេនឹងដឹកដៃគ្នាចូលរោងការឆាប់ៗនេះផងដែរ៕
ប្រភព៖ Koreaboo
