កន្លងមកមហាជននិយមតាមដានជីវិតឯកជនរវាងតារាចម្រៀងស្រី សុគន្ធ និសា និង ពិធីការិនី ណាក់ ស្រីណា ច្បាស់ជាបានជ្រាបមកហើយពីទំនាក់ទំនងរបស់តារាស្រីទាំង ២ ដែលរាប់អានគ្នាស្និទ្ធស្នាលលើសពីមិត្តរួមអាជីព។ ក្នុងនោះ អ្នកនាង សុគន្ធ និសា និង កញ្ញា ណាក់ ស្រីណា រាប់អានគ្នាដូចជាបងប្អូនបង្កើតយ៉ាងដូច្នោះ។
មហាជនតែងតែឃើញ អ្នកនាង សុគន្ធ និសា និង កញ្ញា ណាក់ ស្រីណា ទៅណាមកណាត្រសងគ្នា មិនថាតែបំពេញការងារ ឬក៏សកម្មភាពឯកជននោះឡើយ ពោលគឺម្នាក់ៗមើលថែ យកចិត្តទុក្ខដាក់គ្នាយ៉ាងខ្លាំង។ ម្យ៉ាងវិញទៀតនោះ សូម្បីតែរបររកស៊ី ក៏អ្នកនាង សុគន្ធ និសា និង កញ្ញា ណាក់ ស្រីណា ចាប់ដៃចូលហ៊ុនគ្នាដែរ។
ជាក់ស្តែង កាលពីថ្ងៃទី ២០ ខែសីហា ឆ្នាំ ២០២៥ កន្លងទៅ អ្នកនាង សុគន្ធ និសា បានបើកមុខរបរថ្មី ដែលជាហាងមើលថែសត្វចិញ្ចឹម ដោយហាងថ្មីនេះដែរ ក៏មានភាគហ៊ុនរបស់កញ្ញា ណាក់ ស្រីណា ដែលជាប្អូនស្រីជំនិតទៀតផង៕
