នៅរសៀលថ្ងៃទី ២៨ ខែមីនា ឆ្នាំ ២០២៥ នេះ មានគ្រោះរញ្ជួយដីខ្លាំងក្លាមួយកើតឡើងនៅទីក្រុងបាងកក ប្រទេសថៃ និង ខេត្តជុំវិញបណ្តាលឱ្យមានការបាក់រលំអគារ និង ការដ្ឋានកំពុងសាងសង់មួយចំនួន។
ចំពោះរឿងនេះ ក្រសួងការងារ និង បណ្តុះបណ្តាលវិជ្ជាជីវៈ និង ស្ថានឯកអគ្គរាជទូតកម្ពុជាប្រចាំទីក្រុងបាងកក បានកំពុងតាមដានករណីនេះ និង បានធ្វើការទាក់ទងជាមួយស្ថាប័នពាក់ព័ន្ធថៃ ដើម្បីស្វែងរកព័ត៌មានលម្អិតអំពីផលប៉ះពាល់ និង ជនរងគ្រោះនៅទីតាំងដែលមានការបាក់រលំ។ ក្នុងនោះក្រសួង និង ស្ថានទូតនឹងបន្តតាមដាន និង ត្រៀមខ្លួនផ្តល់ការគាំពារក្នុងករណីចាំបាច់ ព្រមទាំងអំពាវនាវដល់បងប្អូនដែលកំពុងស្នាក់នៅទីក្រុងបាងកក សូមបង្កើនការប្រុងប្រយ័ត្ន និង សូមអនុវត្តតាមការណែនាំរបស់អាជ្ញាធរ និង មន្ត្រីបច្ចេកទេសរបស់ថៃ។
អាស្រ័យហេតុនេះ សម្រាប់បងប្អូនប្រជាពលរដ្ឋខ្មែរដែលកំពុងស្ថិតនៅទីក្រុងបាងកក អាចទាក់ទងស្ថានឯកអគ្គរាជទូតកម្ពុជាដើម្បីសុំជំនួយតាមរយៈទូរស័ព្ទខាងក្រោម ៖
– លេខ 094 092 5905, 094 416 558
– លេខ 083 545 7788 (លោក ឈឹម វិបុល)
– លេខ 062 089 8918 (លោក សម្ផស្ស)
– លេខ 092 299 0133 (កញ្ញា ចន្ថា)៕
