ដូចមហាជនបានជ្រាបមកហើយថា ប៉ុន្មានឆ្នាំចុងក្រោយនេះ តារាចម្រៀងស្រី ស៊ូ ស៊ីរីកា ហាក់បង្ហាញវត្តមានលិបលៗនៅក្នុងវិថីសិល្បៈ ដោយមិនសូវមានវត្តមានពេញលេញក្នុងកម្មវិធីច្រើននោះឡើយ។
ក្នុងឆ្នាំ ២០២៥ នេះ តារាស្រីសំឡេងធ្ងន់រូបនេះ ក៏បានវិលត្រឡប់មកជាថ្មីក្នុងនាមជាសិល្បករឯករាជ្យ ដោយនាងបានបង្ហាញវត្តមានជាបន្តបន្ទាប់ជាថ្មីម្តងទៀត ព្រមទាំងទទួលបានការគាំទ្រដូចដើមមិនខុសពីមុននោះឡើយ។
យ៉ាងណាមិញ ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេសអ្នកគាំទ្រ កញ្ញា ស៊ូ ស៊ីរីកា មានការភ្ញាក់ផ្អើលយ៉ាងខ្លាំង បន្ទាប់ពីនាងបានបង្ហោះសារក្តៅគគុកមួយនៅក្នុងគណនីហ្វេសផ្ទាល់របស់ខ្លួនចង់សំដៅ ថាតាំងពីចូលសិល្បៈមកមានតែ ២ នាក់ ជីដូចយិតយោងគ្នា តែបែរជាមានអ្នកថានាងរមិលគុណទៅវិញ។
សារនោះ កញ្ញា ស៊ូ ស៊ីរីកា រៀបរាប់ថា៖ «គេណាទៅ គេណា? គេណាប្រាប់? អញចង់ដឹង បើតាមអញតាំងចូលសិល្បៈមក អញតា ២ អ្នកជីដូនអញទេ! ចឹងអាគេណាដែលវាថាធ្លាប់ជួយអញ? ហើយអញរមិលដាក់វា? ឆ្លើយ? ស្រួលអញលេងតាមហ្នឹង ហើយរឿងនៅក្រៅអញអត់ដែលខ្លាចទេ ណាស់តែបានតែក្នុង social តើ»៕
