នៅព្រឹកថ្ងៃទៅ ៦ ខែមិថុនា ឆ្នាំ ២០២៥ នេះ អ្នកលេងបណ្តាញសង្គមហ្វេសប៊ុក ជាពិសេស អ្នកនៅក្នុងរង្វង់សិល្បៈមានក្តីរន្ធត់ចិត្តយ៉ាងខ្លាំង ក្រោយទទួលដំណឹងមរណភាពរបស់តារាកំប្លែង នាយឆាង ក្នុងវ័យប្រមាណ ២៥ ឆ្នាំ។
ដំណឹងខាងលើនេះ ត្រូវបានជម្រាបឡើងនៅលើគណនីហ្វេសប៊ុកដោយផ្ទាល់របស់ នាងឆាង ដោយក្រុមគ្រួសាររបស់លោក បានយកគណនីហ្វេសប៊ុករបស់តារាកំប្លែងខាងលើ មក Live និង បង្ហោះវីដេអូ ដើម្បីជម្រាបដល់មហាជនផងដែរ។
គួររឭកថា នាងឆាង គឺជាតារាកំប្លែងមានប្រជាប្រិយភាពមួយរូប ដែលលោកត្រូវបានមហាជនចាំខ្លាំងត្រង់ចំណុចលោក មានមាឌធំ និង គីឡូធ្ងន់។ កន្លងមក នាយឆាង ធ្លាប់បានសម្រាកព្យាបាលក្នុងមន្ទីរពេទ្យច្រើនថ្ងៃដោយសារជំងឺតែជំងឺរលាកសួតធ្ងន់ធ្ងរ។
ក្រោយមកលោកក៏បានធូរស្បើយឡើងវិញបានមួយរយៈធំ ប៉ុន្តែរយៈពេលចុងក្រោយ ពោលគឺមុនលោកទទួលមរណភាព ៦ ថ្ងៃ នាយឆាង បានបង្ហាញវីដេអូ ដែលលោកកំពុងដាក់អុកស៊ីហ្សែន៕
