នៅថ្ងៃទី ៧ ខែឧសភា ឆ្នាំ ២០២៥ នេះ មហាជនអ្នកគាំទ្រលើបណ្ដាញសង្គម ក៏ដូចជាសិល្បករបានទទួលដំណឹងដ៏សោកស្ដាយ ដែលតារាចម្រៀង សម្ដែង និង ជាពិធិករមួយរូបឈ្មោះ រាជ វិចិត្រ បានទទួលមរណភាពទាំងវ័យក្មេង។
បើតាមរយៈការបង្ហោះជូនដំណឹងលើហ្វេសប៊ុករបស់លោក អ៊ឹម ជីវ៉ា បានឱ្យដឹងថា លោក រាជ វិចិត្រ បានទទួលមរណភាពនៅវេលាម៉ោង ៧ យប់ថ្ងៃទី ៦ ខែឧសភា ឆ្នាំ ២០២៥ ដោយសារជំងឺគាំងបេះដូង។ ពេលនេះដែរ សពរបស់តារាចម្រៀងរូបនេះ បានដឹកទៅតម្ដល់រៀបចំធ្វើពិធីបុណ្យនៅឯស្រុកកំណើត ខេត្តកោះកុង។
ក្រោយទទួលដំណឹងមរណភាពដ៏ក្រៀមក្រំនេះ មហាជនអ្នកគាំទ្រ និង អ្នកសិល្បៈធ្លាប់រួមការងារជាច្រើន បានចែករំលែកភ្ជាប់ជាមួយក្ដីអាណិត និង សោកស្ដាយចំពោះការបាត់បង់សិល្បករមានសមត្ថភាពរូបនេះផងដែរ៕
