ជាដំណឹងសម្រាប់បងប្អូនដែលនិយមទិញទំនិញអនឡាញ ក្នុងករណីដែលបងប្អូនជួបអំពើឆបោកតាមបណ្តាញសង្គម ជាពិសេសកម្មង់ទិញអីវ៉ាន់ និង បានបាញ់លុយទៅគេហើយ បែរជាគេមិនផ្ញើអីវ៉ាន់មកឱ្យ ហើយថែមទាំង Block អាខោនទៀត បងប្អូនអាចអញ្ជើញទៅដាក់ពាក្យបណ្តឹង នៅនាយកដ្ឋានទេសចរណ៍ នៃអគ្គស្នងការនគរបាលជាតិ ដែលមានលោកឧត្តមសេនីយ៍ឯក រុន រ័ត្នវាសនា ជាប្រធាននាយកដ្ឋាន។
ក្រៅពីការអញ្ជើញទៅដាក់ពាក្យបណ្តឹង នៅនាយកដ្ឋានទេសចរណ៍ផ្ទាល់ ក្នុងនោះ បងប្អូនអាចទាក់ទងតាមលេខទូរស័ព្ទ ០១០៦៦៥៦៧៥ ឬ អាចទាក់ទងលោកឧត្តមសេនីយ៍ឯក រុន រ័ត្នវាសនា ផ្ទាល់ក៏បាន តាមរយៈលេខរបស់លោកគឺ 061 567 777។
នាយកដ្ឋាននគរបាលទេសចរណ៍ នឹងរង់ចាំទទួលពាក្យបណ្តឹងរបស់បងប្អូនជនរងគ្រោះ គ្រប់ពេលវេលា ហើយបើកប្រតិបត្តិការតាមស្រាវជ្រាវចាប់ខ្លួនជនឆបោកទាំងនោះ មកផ្តន្ទាទោសតាមច្បាប់៕
ប្រភព ៖ Sorn Sopheak
