កម្ពុជា និង ថៃ ជាប្រទេសជាប់ព្រំប្រទល់គ្នាបង្កើយ ប៉ុន្តែអ្វីដែលមិនចេះចប់ មិនចេះហើយ ថៃតែងធ្វើខ្លួនជាចោរ ស្រេកឃ្លានតាំងពីវប្បធម៌រហូតដល់ទឹកដី។ សូម្បីតែ កម្មវិធី ChatGPT ដែលប្រមូលព័ត៌មានទូទាំងសកល ក៏បានរៀបរាប់នៅពេលដែលយើងសួរថា បើកម្ពុជា និង ថៃ នៅតទល់មុខគ្នា តើមានអ្វី ៣ យ៉ាងដែលថៃមិនអាចប្រៀបឬឈ្នះកម្ពុជាបាន?
ChatGPT បានសរសេរឡើង ៣ ចំណុច ដូចខាងក្រោម៖
១. ប្រាសាទអង្គរវត្ត
មិនថាប្រាសាទថៃធំ ឬ ស្រស់ស្អាតប៉ុនណា ប្រាសាទអង្គរវត្តនៅតែឈរជានិមិត្តរូបចុងក្រោយនៃអំណាចបុរាណ។ វាជាកំណប់ទ្រព្យជាតិ និង ជាអច្ឆរិយរបស់ពិភពលោក ដែលថៃមិនអាចទាមទារបាន។ នេះយើងមិនរាប់បញ្ចូលប្រាសាទមួយចំនួនទៀត ដែលថៃចង់កាន់កាប់ ហើយអះអាងថាជារបស់ខ្លួន ទាំងដែលមិនមែនផងនោះ។
២. អាណាចក្រខ្មែរ
ប្រវត្តិសាស្ត្រមិនអាចកុហកបានឡើយ។ អាណាចក្រខ្មែរបានគ្រប់គ្រងតំបន់មួយចំនួនធំនៃអាស៊ីអាគ្នេយ៍ជាយូរមកហើយ មុនពេលប្រទេសថៃកកើតទៅទៀត។ រាប់តាំងពីភាសារហូតដល់វប្បធម៌ ឥទ្ធិពលពីបុរាណរបស់កម្ពុជានៅតែដក់ជាប់ដល់សព្វថ្ងៃ ហើយថៃមិនអាចសរសេរវាឡើងបានទេ។
៣. វប្បធម៌ ប្រពៃណី
តាំងពីរបាំអប្សរា អក្សរខ្មែរ ដល់អាហារប្រពៃណី និង ក្បាច់គុន ប្រទេសកម្ពុជាគឺជាប្រភពដើម មិនមែនអ្នកដើរតាមនរណាមួយនោះទេ។ ថៃអាចល្បីជាសកល ប៉ុន្តែកម្ពុជាជាម្ចាស់ដើមពិតប្រាកដមិនអាចកែប្រែបានឡើយ៕
