និយាយដល់អ្នកគ្រប់គ្រងកម្មវិធីបវរកញ្ញាលោក អ៊ិន សុភិន ដែលត្រូវបានគេស្គាល់ថាជាអតីតអ្នកគ្រប់គ្រងកម្មវិធី MGC ប៉ុន្មានឆ្នាំកន្លងទៅ ថ្មីៗនេះ បានធ្វើឱ្យមហាជនចាប់អារម្មណ៍ខ្លាំង ក្រោយពីសុខៗលោកបានបង្ហោះរូបភាពមួយ រំឭកដល់ការប្រកួតលើឆាកអន្តរជាតិ MGI កាលអំឡុងឆ្នាំ ២០២២ កន្លងទៅ។
ក្នុងនោះ លោក អ៊ិន សុភិន បានបង្ហាញរូបភាពប្រៀបធៀបទាក់ទងនឹងក្ដីរំភើបក្នុងនាមជាអ្នកគ្រប់គ្រងកម្មវិធី និង បានរំឭកដល់ការបញ្ចូនបវរកញ្ញាចូលរួមប្រកួតលើឆាកអន្តរជាតិ MGI 2022 ដោយកាលនោះបវរកញ្ញាកម្ពុជាទទួលបានលទ្ធផលដ៏ល្អជាប់លំដាប់រងទី ៥ នៃ MGI 2022 ដែលរូបលោកចង់បង្ហាញពីទឹកចិត្ត និង ក្ដីរំភើបអបអរដល់បវរកញ្ញារបស់ខ្លួន ព្រមទាំងបានលើកឡើងពីបវរកញ្ញាមួយចំនួនគួរចេះដឹងគុណដល់ម្ចាស់កម្មវិធីទៀតផង។
សារនោះ លោក អ៊ិន សុភិន បានរៀបរាប់ថា ៖ «ពេលឃើញកូនៗទទួលបានជ័យជម្នះ លើឆាកអន្តរជាតិលំដាប់ពិភពលោកទឹកភ្នែករបស់ពុកម៉ែ និងស្រក់មកដោយភាពរំភើបពេក ដែលពួកគាត់បានប្រឹងប្រែងកន្លងមកមុនប្រកាសលទ្ធផល។ រូបថតខ្ញុំកាលពីឆ្នាំ 2022 ពេល Miss Grand Cambodia 2022 ជាប់លំដាប់រងទី ៥ MGI 2022 និងរូបថត ម៉ែពុយ ពេល Miss World Thailand 2025 ជាប់ជា Miss World 2025 សូម កូនចៅ ឬ បេក្ខភាពមួយចំនួនចេះដឹងគុណម្ចាស់រៀបចំកម្មវិធីផង»៕
