កាលពីថ្ងៃទី ១៤ ខែតុលា ឆ្នាំ ២០២៥ កន្លងទៅនេះ សារព័ត៌មាន Khaosod បានរាយការណ៍ពីករណី ដែលមានខ្ញែរសមុទ្រជាច្រើនរាប់ម៉ឺនក្បាល បានអណ្តែតមកកាន់ឆ្នេរសមុទ្រមួយកន្លែងនៅខេត្តផេចបុរី។
តាមព័ត៌មានបានឱ្យដឹងថា មានអ្នកទេចរណ៍បានរាយការណ៍មកថាគេបានឃើញខ្ញែរសមុទ្រជាច្រើន បានអណ្តែតនៅលើឆេ្នរបានបយ៉ៃ ខេត្តផេចបុរី ដែលបង្កឱ្យមានការភ្ញាក់ផ្អើលជាខ្លាំង។ ហើយក្រោយពីការត្រួតពិនិត្យ ខ្ញែរសមុទ្រទាំងអស់នេះ ត្រូវបានគេដឹងថាជាប្រភេទមានពិសតិច បើសិនជាប៉ះពាល់អាចឱ្យបង្កឱ្យមានការរមាស់ និងរលាកបាន ហើយវាត្រូវបានរលកបក់មកកាលពី ២ ទៅ ៣ ថ្ងៃមុននេះឯង។
យ៉ាងណាមិញ បើទោះជាមានពិសតិចក្តី តែអាជ្ញាធរក៏បានហាមអ្នកទេសចរណ៍មិនឱ្យប៉ះពាល់ ហើយក៏ថែមទាំងដាស់តឿនឱ្យប្រយ័ត្នជាមួយនឹងខ្ញែរសមុទ្រមួយប្រភេទទៀត ដែលមានពិសសាហាវជាងផងដែរ៕
ប្រភព៖ Khaosod
