សុខៗរៀមច្បង ឱក សុគន្ធកញ្ញា ស្រាប់តែបង្ហាញខ្លួនលើឆាកតន្រ្តី ធ្វើឱ្យសិល្បករភ្លើងគប់ រំភើបផង អរផង ស្រែកហ៊ោពេញឆាក

ថ្មីៗកន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រមហោស្រព «បុណ្យភូមិ» ច្បាស់ជាបានជ្រាបរួមមកហើយ នូវការរៀបចំកាលពីសប្តាហ៍ទី ១ នៅផ្សារទំនើប ជីប ម៉ុង ២៧១ មេហ្គា ម៉ល កាលពីថ្ងៃទី ០៥ និង ទី ០៦ ខែមេសា ឆ្នាំ ២០២៥ កន្លងទៅ។ ក្នុងនោះ កាលពីថ្ងៃទី ០៦ ខែមេសា ឆ្នាំ ២០២៥ អ្នកគាំទ្រមហោស្រព «បុណ្យភូមិ» ក៏មានការប្រគំតន្ត្រីសម័យ ដែលមានការចូលរួមពីតារាល្បីៗជាច្រើន រួមមានកំពូលតារាចម្រៀង ឱក សុគន្ធកញ្ញា, រាជិនីសំឡេង ម៉េង កែវពេជ្ជចិន្តា និង កូនស្រីគឺ អូនផ្អែម, លោក សាយ និង សិល្បករភ្លើងគប់ រួមមាន កេសរ, ឆាឆា, សយ សេងហួរ, រ៉ក់ស្ស៊ី, និង ចេនី ផងដែរ។

យ៉ាងណាមិញ អ្វីដែលកាន់តែគួរឱ្យចាប់អារម្មណ៍នោះ​ ថ្មីៗនេះ អ្នកលេងបណ្តាញសង្គមហ្វេសប៊ុក បានឃើញវីដេអូមួយបង្ហោះឡើងលើគណនីរបស់តារាចម្រៀងរ៉េប កញ្ញា រ៉ក់ស្ស៊ី ដែលមាវត្តមានរបស់ កំពូលតារាចម្រៀង ឱក សុគន្ធកញ្ញា និង សិល្បករ ភ្លើងគប់ កាលពីថ្ងៃសម្តែងការប្រគំតន្ត្រី បុណ្យភូម សប្តាហ៍ទី ១ កន្លងទៅ។

ក្នុងនោះដែរ អ្វីដែលធ្វើឱ្យកញ្ញា រ៉ក់ស្ស៊ី និង សិល្បករ ភ្លើងគប់ ដទៃទៀត រួមមាន កញ្ញា កេសរ, សយ សេងហួរ, ឆាឆា និង ចេនី មីន បានបង្ហាញអារម្មណ៍រំភើបនោះ ក៏បានឃើញវត្តមានរបស់រៀមច្បង និង ជា Idol របស់ពួកគេគឺ អ្នកនាង ឱក សុគន្ធកញ្ញា បានឡើងឆាកសម្តែងរួមគ្នា និង បានរាំកម្សាន្តនូវបទ «កែវអើយ» ដែលជាបទថ្មីរបស់ រ៉ក់ស្ស៊ី និង កេសរ ផងដែរ៕

សូមចុចទីនេះ ដើម្បីទស្សនាវីដេអូ៖