កាលពីថ្ងៃទី ១២ ខែវិច្ឆិកា ឆ្នាំ ២០២៤ កន្លងទៅនេះ តារាចម្រៀងរ៉េប វណ្ណដា បានបញ្ចេញ MV ចម្រៀងថ្មីមួយបទទៀតហើយមានចំណងជើងថា «អាមុំ បងអើយ» ដែលបានដាក់បញ្ជូលបទចម្រៀងសម័យដើមមានចំណងជើងថា «សម័យមីនី» ដែលជាការបកស្រាយដោយ លោក ជា សាវឿន និង លោកស្រី ជួប សារឿន»។
ក្នុង MV ចម្រៀងមួយបទនេះ មិនត្រឹមតែមានអត្ថន័យ និង សាច់ភ្លេងពីរោះនៃការច្របាច់បញ្ជូលគ្នារវាងបទចម្រៀងពីមុន និង សម័យនោះឡើយ ពោលគឺសូម្បីទិដ្ឋភាពនៃការសម្តែងក៏មើលទៅពិតជាប្លែក។
ម្យ៉ាងវិញទៀត អ្វីដែលកាន់តែចាប់អារម្មណ៍ MV បទ «អាមុំ បងអើយ» នេះ ក៏មានការចូលរួមសម្តែងពីតារាចម្រៀងរ៉េបស្រករក្រោយលោក GMengZ ជាពិសេសនោះ គឺនាដការរបាំ កញ្ញា សុខគា គីមលាង ហៅ Kon Ant។
លើកនេះ កញ្ញា សុខគា គីមលាង បានបង្ហាញខ្លួនជាលើកទី ១ ក្នុងការសម្តែងរួមគ្នានឹងលោក វណ្ណដា ក៏ដូចជាមើលទៅពិតជាស្រស់ស្អាតប្លែកជាងសព្វមួយដង ដោយកញ្ញា សុខគា គីមលាង បានតែខ្លួនក្នុងឈុតជំនាន់ឆ្នាំ ២០០០ ជាង ឬហៅថា Y2K៕
