ក្រុមហ៊ុន IG Trading Group ដែលចែកចាយផ្តាច់មុខសាប៊ូកូនក្មេងសរីរាង្គម៉ាកក្លិន បានធ្វើការសម្ពោធជាផ្លូវការនូវសាប៊ូបោកសម្លៀកបំពាក់ទារក និងកុមារ ដោយមានការចូលរួមពីខាងក្រុមហ៊ុន KHH អ្នកផលិតផ្ទាល់ផងដែរ។ ការនាំចូល និងលើកស្ទួយផលិតផលក្នុងស្រុក គឺស្របតាមទស្សនវិស័យរួម និងបេសកកម្មយូរអង្វែង របស់ក្រុមហ៊ុន អាយជី ត្រេឌីង គ្រុប ហើយអ្វីដែលកាន់តែពិសេស Klen Baby មិនត្រឹមតែជាផលិតផលរបស់កូនខ្មែរជាអ្នកផលិតទេ ប៉ុន្តែវាក៏ត្រូវបានចែកចាយផ្តាច់មុខដោយក្រុមហ៊ុន IG Trading Group ដែលជាក្រុមហ៊ុនបង្កើតឡើងដោយកូនខ្មែរ និងចែកចាយបន្តដោយ Baby Outlet ដែលជាហាងលក់ផលិតផលកូនក្មេង បង្កើតឡើងដោយកូនខ្មែរម្នាក់ផងដែរ។
លោក លោក ច័ន្ទ បញ្ញារិទ្ធ នាយកប្រតិបត្ដិក្រុមហ៊ុន IG Trading Group បានមានប្រសាសន៍ថា៖ «Klen Baby គឺជាសាប៊ូកូនក្មេងសរីរាង្គដំបូងគេនៅកម្ពុជា ជាស្នាដៃរបស់កូនខ្មែរ ត្រូវបានបន្សំរូបមន្តដោយអ្នកជំនាញជនជាតិកូរ៉េ និងបានផលិតតាមស្តង់ដារប្រទេសកូរ៉េ ដែលវាធ្វើឱ្យផលិតផលនេះកាន់តែរឹងមាំ និងមានភាពទាក់ទាញ។ ក្នុងនាមជាអ្នកចែកចាយ យើងតែងតែស្វែងរកនូវផលិតផលដែលបញ្ជាក់ពី ប្រភពច្បាស់លាស់។ នៅពេលដែល KHH បង្ហាញយើងថា នេះមិនមែនត្រឹមតែជាផលិតផលក្នុងស្រុកទេ ប៉ុន្តែជាផលិតផលក្នុងស្រុកដែលប្រើប្រាស់បច្ចេកវិទ្យាស្តង់ដារកូរ៉េពិត យើងដឹងភ្លាមថា នេះមិនមែនជាការផ្សងព្រេងទេ ប៉ុន្តែគឺជាផលិតផលដែលឈ្នះ។ អតិថិជននឹងទទួលបាននូវផលិតផលដែលមានគុណភាពអន្តរជាតិ ព្រមទាំងតម្លៃសមរម្យ ហើយផលិតក្នុងប្រទេសខ្លួនឯង»។
លោកបានបន្ថែមទៀតថា៖ «យុទ្ធសាស្ត្រទីផ្សាររបស់យើងគឺផ្តោតលើគុណភាព សុវត្ថិភាព និងគុណតម្លៃរបស់ផលិតផល។ ជំនួសឱ្យការធ្វើទីផ្សារទូទៅ យើងផ្តោតខ្លាំងលើការជឿទុកចិត្តពីសំណាក់មាតាបិតាមកកាន់សាប៊ូ KLEN Baby តាមរយៈការផ្សព្វផ្សាយគ្រប់ប្រភេទ។ យើងធានាថា ផលិតផលរបស់យើងនឹងមានវត្តមាននៅគ្រប់សាខារបស់ Baby Outlet និងគ្រប់ទីតាំងរបស់ដៃគូលក់រាយទូទាំងប្រទេស ដើម្បីងាយស្រួលដល់អ្នកប្រើប្រាស់ក្នុងការស្វែងរក និងការបញ្ជាទិញផលិតផល។ ការផ្តោតលើការជឿទុកចិត្ត គុណភាព និងសុវត្ថិភាពរបស់ទារក និងកុមារនេះនឹងធ្វើឱ្យទំនិញ ជ្រាបចូលទីផ្សារបានលឿនជាងមុន»។
លោក ជា និមល នាយករកគ្រប់គ្រងទូទៅនៃក្រុមហ៊ុន KHH ក៏បានលើកឡើងផងដែរថា៖ «យើងសូមធានាជូនអតិថិជន ថា KLEN Baby ជាផលិតផលក្នុងស្រុកថ្មី មានស្តង់ដារសុវត្ថិភាព និងគុណភាព មិនចាញ់ម៉ាកផលិតផលអន្តរជាតិដែលពួកគាត់ធ្លាប់ប្រើឡើយ។ ជាក់ស្តែង រោងចក្រ KHH របស់យើងដំណើរការក្រោមស្តង់ដារត្រួតពិនិត្យគុណភាពអន្តរជាតិយ៉ាងតឹងរ៉ឹងតាមស្តង់ដាររបស់កូរ៉េ។
KLEN Baby ត្រូវបានធ្វើតេស្តដោយគ្រូពេទ្យកុមារ និងគ្រូពេទ្យជំនាញខាងសើស្បែកថា ពិតជាមានលក្ខណៈមិនធ្វើឱ្យប្រតិកម្មអាឡែស៊ី និងមិនបង្កឱ្យមានការរលាក។ រូបមន្តផ្សំពីរុក្ខជាតិធម្មជាតិរបស់យើង គ្មានសារធាតុគីមីដែលបង្កគ្រោះថ្នាក់ ហើយយើងបានរាយបញ្ជីរូបមន្តរបស់យើងយ៉ាងច្បាស់លាស់។ យើងមិនត្រឹមតែបំពេញតាមស្តង់ដារប៉ុណ្ណោះទេ ប៉ុន្តែយើងមានគោលបំណងបង្កើតស្តង់ដារថ្មីមួយ ដែលកើតចេញពីការយល់ដឹងយ៉ាងស៊ីជម្រៅអំពីអ្វីដែលស្បែករបស់កុមារកម្ពុជាត្រូវការ»។
បើយើងក្រឡេកទៅមើលទស្សនវិស័យរបស់ Mr.Lee អ្នកឯកទេសបន្សំរូបមន្តរាល់គ្រប់ប្រភេទនៃសាប៊ូ សរីរាង្គ កូនក្មេងម៉ាក Klen ដែលជាជនជាតិកូរ៉េមួយរូប បានលើកឡើងថា ការបន្សំរូបមន្តរបស់សាប៊ូគឺផ្តោតទៅលើសុវត្ថិភាពរបស់ក្មេងជាចម្បង ព្រោះទារក និងកុមារសុទ្ធសឹងតែស្ថិតនៅក្នុងដំណាក់កាលលូតលាស់ និងមានស្បែកដែលក្មេងខ្ចី ងាយរងប្រតិកម្ម។ ដូច្នេះ ការផ្សំសាប៊ូដែលមានលក្ខណះសរីរាង្គ គ្មានជាតិកាត់ គឺជាអ្វីដែលលោកត្រូវតែដាក់ចិត្ត ដាក់កាយបង្កើតវាឡើង។ ជាចុងក្រោយ លោកក៏បានផ្តល់ជាកំលាំងចិត្តដល់កូនខ្មែរយើងថា រាល់អ្វីដែលជនបរទេសអាចធ្វើបាន កូនខ្មែរក៏អាចធ្វើបានដូចគេដែរ។ យើងរួមគ្នាលើកស្ទួយផលិតផលក្នុងស្រុក។
គូសបញ្ជាក់ផងដែរថា សាប៊ូកូនក្មេងសរីរាង្គម៉ាកក្លិន បច្ចុប្បន្នក៏មានកម្មវិធីពិសេស “កូននាំសំណាង” ដែលធ្វើការចែករង្វាន់ឆ្នោតលើសម្បកដបផងដែរ។ រង្វាន់មានដូចជា បន្តោងខ្សែកមាស១ជី ជាច្រើនរង្វាន់ និងសាប៊ូ KLEN Baby រាប់ម៉ឺនរង្វាន់។ ដូច្នេះ ពេលធ្វើការបញ្ជាទិញសាប៊ូ លោកប៉ា អ្នកម៉ាក់កុំភ្លេចសាកសួរព័ត៌មានលម្អិតណា៎៕
