បន្ទាប់ពីសម្តេចមហាបវរធិបតី ហ៊ុន ម៉ាណែត បង្ហោះសារនៅលើទំព័រហ្វេសប៊ុកថា ចំពោះប្រជាពលរដ្ឋខ្មែរ ដែលកំពុងរស់នៅ ធ្វើការឬសិក្សានៅប្រទេសថៃ ដែលអាចរងសម្ពាធពីការរើសអើង សូមត្រលប់មកកម្ពុជាយើងវិញ គិតមកទល់ពេលនេះ បងប្អូនខ្មែរយើងបានសម្រុកមកជាបន្តបន្ទាប់ខ្ទង់ម៉ឺននាក់។ ក្នុងនោះដែរ ក៏មានសិស្ស និស្សិត ដែលបានសិក្សានៅប្រទេសថៃក៏វិលត្រឡប់មកមាតុប្រទេសវិញដូចគ្នា បើទោះជាការសិក្សាមិនទាន់បានបញ្ចប់ក្តី។
យ៉ាងណាមិញ កាលពីថ្ងៃទី ២៩ ខែកក្កដា ឆ្នាំ ២០២៥ កន្លងទៅ សាកលវិទ្យលាភ្នំពេញអន្តរជាតិ (PPIU) តាមរយៈលោកជំទាវបណ្ឌិត ទេព កូលាប សាកលវិទ្យាធិការ បានប្រកាសផ្តល់អាហារូបករណ៍ ១០០% ដល់កូនវីរកងទ័ព ដែលបានពលីជីវិតក្នុងបុព្វហេតុការពារទឹកដីកម្ពុជា ព្រមទាំងនិស្សិតកម្ពុជាបោះបង់ការសិក្សាពីប្រទេសថៃ ដែលបានវិលត្រឡប់មកប្រទេសកម្ពុជាវិញ៕
