សាកថ្មឱ្យពេញៗ! EDC ជូនដំណឹង ចាប់ពីស្អែក ខណ្ឌមួយចំនួននៅភ្នំពេញ អាចដាច់ភ្លើងប្រើប្រាស់តាមពេលកំណត់នេះ

នៅថ្ងៃទី ២៨ ខែតុលា ឆ្នាំ ២០២៥ អគ្គិសនីកម្ពុជា បានជូនដំណឹងស្ដីពីការអនុវត្តការងារជួសជុល ផ្លាស់ប្ដូរដំឡើងបរិក្ខារនានា និង រុះរើគន្លងខ្សែបណ្ដាញអគ្គិសនី របស់អគ្គិសនីកម្ពុជា ដើម្បីបង្កលក្ខណៈងាយស្រួលដល់ការដ្ឋានពង្រីកផ្លូវ ដែលធ្វើឱ្យមានបញ្ហារអាក់រអួលចរន្តអគ្គិសនីប្រើប្រាស់ នៅតំបន់មួយចំនួនទៅតាមពេលវេលា ចាប់ពីថ្ងៃទី ៣០ ខែតុលា ឆ្នាំ ២០២៥ ស្អែកនេះ ដល់ថ្ងៃទី ០២ ខែវិច្ឆិកា ឆ្នាំ ២០២៥។

ក្នុងនោះ អគ្គិសនីកម្ពុជា បានបញ្ជាក់ថា បើទោះបីជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់អគ្គិសនីធំដុំក៏ដោយ ប៉ុន្តែការផ្គត់ផ្គង់ចរន្តអគ្គិសនីនៅតំបន់ខាងលើ អាចនឹងមានការរអាក់រអួលខ្លះៗជៀសមិនផុតដោយ ស្នើសុំអភ័យទោសទុកជាមុន ខណៈតំបន់ដែលនឹងមានផលប៉ះពាល់នោះមានដូចជា ៖

១. ថ្ងៃទី ៣០ ខែតុលា ឆ្នាំ ២០២៥

* ក្នុងចន្លោះម៉ោង ៨ ដល់ម៉ោង ១៦៖ មានខណ្ឌឫស្សីកែវ ខណ្ឌសែនសុខ ខណ្ឌពោធិ៍សែនជ័យ និង ខណ្ឌព្រែកព្នៅ

២. ថ្ងៃទី ៣១ ខែតុលា ឆ្នាំ ២០២៥

* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌសែនសុខ ខណ្ឌព្រែកព្នៅ និង ខណ្ឌច្បារអំពៅ
* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌឫស្សីកែវ ខណ្ឌចំការមន ខណ្ឌច្បារអំពៅ

៣. ថ្ងៃទី ០១ ខែវិច្ឆិកា ឆ្នាំ ២០២៥

* ក្នុងចន្លោះម៉ោង ៨ ដល់ម៉ោង ១៣ ៖ មានខណ្ឌសែនសុខ និង ខណ្ឌពោធិ៍សែនជ័យ

* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌឫស្សីកែវ ខណ្ឌសែនសុខ ខណ្ឌមានជ័យ ខណ្ឌពោធិ៍សែនជ័យ និង ខណ្ឌកំបូល

៤. ថ្ងៃទី ០២ ខែវិច្ឆិកា ឆ្នាំ ២០២៥

* ក្នុងចន្លោះម៉ោង ៨ ដល់ម៉ោង ១៦ ៖ មានខណ្ឌឫស្សីកែវ ខណ្ឌមានជ័យ និង ខណ្ឌពោធិ៍សែនជ័យ៕

សូមអានសេចក្ដីលម្អិតនៅខាងក្រោម ៖