សល់ ២ ថ្ងៃទៀតដល់វគ្គផ្ដាច់ព្រ័ត្រ អ្នកគាំទ្រកំពុងអន្ទះសាទាយពីម្ចាស់ពាន Cambodian Idol រដូវកាលថ្មី

ពិតណាស់ ក្រោយពីធ្វើការប្រឡងប្រជែងជម្រុះចម្រាញ់ជាច្រើនសប្ដាហ៍កន្លងមក នៅសល់តែ ២ ថ្ងៃទៀត ពោលគឺថ្ងៃទី ១០ ខែវិច្ឆិកា ឆ្នាំ ២០២៤ ខាងមុខនេះ កម្មវិធីប្រឡងចម្រៀងលំដាប់ពិភពលោក Cambodian idol រដូវកាលទី ៥ ឈានដល់វគ្គផ្ដាច់ព្រ័ត្រហើយ ដែលជាវេលាកម្មវិធីស្វែងរកម្ចាស់ពានប្រចាំកម្មវិធីក្នុងរដូវកាលថ្មីនេះ។

យ៉ាងណាមិញ ក្នុងវគ្គពាក់កណ្ដាលផ្ដាច់ព្រ័ត្រសប្ដាហ៍កន្លងទៅ កម្មវិធីបានប្រឡងប្រជែង ដោយបានជម្រុះសល់តែបេក្ខភាពជើងខ្លាំងចំនួន ៣ រូបប៉ុណ្ណោះ ដែលបានឈានទៅវគ្គផ្ដាច់ព្រ័ត្រ និង ធ្វើការប្រឡងប្រជែងដណ្ដើមយកពាននៃកម្មវិធីលំដាប់ពិភពលោកនេះ។

ពេលនេះដែរ កៀកថ្ងៃកម្មវិធី Cambodian idol រដូវកាលទី ៥ ប្រឡងវគ្គផ្ដាច់ព្រ័ត្រ ក្រឡេកទៅមើលមហាជនអ្នកគាំទ្រតាមដានកម្មវិធីនេះ ក៏កំពុងតែបង្ហាញការគាំទ្រលើកទឹកចិត្តដល់បេក្ខភាពជាអាយដលរបស់ពួកគេសម្រាប់វគ្គប្រឡងដណ្ដើមពាននេះផងដែរ៕

ចំពោះបេក្ខភាពជើងខ្លាំងទាំង ៣ រូបនោះរួមមាន៖

១. កញ្ញា អ៊ុំ សិរីគុត្តា

២. លោក គី សាវីន

៣. លោក សន ម៉េងលាង