សល់តែប៉ុន្មានម៉ោងទៀតប៉ុណ្ណោះ ពោលគឺនៅរាត្រីថ្ងៃទី ១២ ខែកញ្ញា ឆ្នាំ ២០២៥ នេះ កម្មវិធីប្រកួតសម្រស់ Miss Universe Cambodia បានឈានដល់វេលាប្រកួតផ្ដាច់ព្រ័ត្រ និង ស្វែងរកឃើញនូវម្ចាស់ជ័យលាភីគ្រងមកុដថ្មីប្រចាំឆ្នាំ ២០២៥ នេះហើយ។ ក្នុងនោះឃើញថាបេក្ខភាពបវរកញ្ញា MUC 2025 នីមួយៗ កំពុងតែធ្វើការហ្វឹកហាត់ត្រៀមខ្លួនយ៉ាងមោះមុតក្នុងរាត្រីនេះដែរ។
ស្របពេលកាន់តែកៀកវេលាប្រកួតផ្ដាច់ព្រ័ត្រនេះដែរ គេសង្កេតឃើញថាមានបេក្ខភាព MUC 2025 ៣ រូប ដែលកំពុងតែទទួលបានគាំទ្រពីមហាជនលើវិស័យបវរកញ្ញា ដែលសម្លឹងឃើញពីសមត្ថភាព រូបសម្រស់ដ៏លេចធ្លោ និង បច្ចេកទេសនៃការដើររបស់ពួកគេ ដោយបានរំពឹងខ្ពស់នឹងអាចក្លាយជាម្ចាស់ជ័យលាភីគ្រងមកុដប្រចាំឆ្នាំនេះ។
បេក្ខភាពទាំង ៣ រូបដ៏លេចធ្លោក្នុងចិត្តមហាជនអ្នកគាំទ្រនោះមាន MUC07 អ្នកនាង ថៃ នារីសុជាតា, MUC19 ពេជ្រ វត្តីសារ៉ាវឌ្ឍី និង MUC15 សុខគា គឹមលាង។ យ៉ាងណា មហាជនអ្នកគាំទ្រក៏ពុំទាន់អាចប្រាកដក្នុងចិត្តចំពោះអ្នកណាម្នាក់ថានឹងគ្រងមកុដនៅឡើយទេ ដោយនៅចាំមើលការបង្ហាញសមត្ថភាព ចំណេះដឹងបន្ថែមទៀត នៅលើឆាកប្រកួតនារាត្រីនេះ។
១. អ្នកនាង ថៃ នារីសុជាតា
២. កញ្ញា ពេជ្រ វត្តីសារ៉ាវឌ្ឍី
៣. កញ្ញា សុខគា គឹមលាង
