មកដល់ពេលនេះ រយៈពេលជិត ៨ ខែហើយ ដែលពិធីការិនី ហ៊ិន ច័ន្ទនីរ័ត្ន បានពពោះកូនដំបូងជាចំណងដៃនៃអាពាហ៍ពិពាហ៍រវាងអ្នកនាង និង ស្វាមី ដោយបានក្លាយជាលោកប៉ាអ្នកម៉ាក់ បន្ថែមរសជាតិគ្រួសារកាន់តែមានក្ដីសុខពេញលេញ។
យ៉ាងណាមិញ បន្ទាប់ពីរៀបចំកម្មវិធីជប់លៀងដ៏ធំ កាលពីថ្មីៗកន្លងទៅ ដើម្បីធ្វើការទស្សន៍ទាយបង្ហាញភេទកូនក្នុងផ្ទៃ ដែលជាកូនប្រុសនោះ ប្ដីប្រពន្ធមួយគូននេះ កាន់តែបង្ហាញចិត្តអន្ទះសាពេញដោយក្ដីរំភើបរង់ចាំកូនប្រុសដំបូងសម្រាលឃើញពន្លឺព្រះអាទិត្យ។
ពេលនេះដែរ ខណៈនៅសល់តែជាង ១ ខែទៀតសម្រាល ក៏បានឃើញហ្វេសប៊ុករបស់អ្នកនាង ហ៊ិន ច័ន្ទនីរ័ត្ន បង្ហោះពីរូបភាពពិនិត្យអេកូកូនប្រុសក្នុងផ្ទៃ និង សួរអ្នកគាំទ្រថាមុខមាត់របស់កូនកាត់រកអ្នកនាង ឬក៏ស្វាមី ដែលឃើញថាមុខមាត់កូនប្រុសរបស់អ្នកនាងគួរឱ្យក្នាញ់ខ្លាំងតាំងពីនៅក្នុងផ្ទៃ។ បើក្រឡេកមើលមហាជនអ្នកគាំទ្រវិញ បានចែករំលែកបញ្ចេញមតិភាគច្រើន ថាកូនប្រុសរបស់អ្នកនាង មានមុខមាត់ និង ច្រមុះកាត់រកអ្នកម៉ាក់ជាងផងដែរ៕
