ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រកម្មវិធីប្រកួត Miss Universe Cambodia បាន និង កំពុងចាប់អារម្មណ៍នូវ Poster បែបកំប្លែងមួយរបស់ផេកស្នេហាវិស័យបវរកញ្ញាឈ្មោះ Dark Horse ដែលបានយករូប Miss Universe Cambodia ៣ ជំនាន់ ដាក់បញ្ជូលគ្នា។
ក្នុងនោះដែរ រូបភាពបែប Meme ដែលផេកខាងលើបានធ្វើឡើងនោះ ក៏ព្រោះតែ Miss Universe Cambodia ៣ ជំនាន់នោះ មានឈ្មោះដូចគ្នា គឺ «តា» ដោយរួមមាន Miss Universe Cambodia 2020 រ៉េត សារីតា, Miss Universe Cambodia 2022 ហង្ស ម៉ានីតា និង Miss Universe Cambodia 2025 ថៃ នារីសុជាតា។
រូបភាពនោះដែរ អ្នកគាំទ្របានបង្ហាញអារម្មណ៍អស់សំណើច និង ចូលទៅបញ្ចេញមតិលេងសើចព្រោងព្រាតថា «ម្នាក់ណាជា ម៉ាក់តា?» ដែលពាក្យ «ម៉ាក់តា» នេះ ភាគច្រើន អ្នកគាំទ្រហៅ អ្នកម៉ាក់កូន ១ ស្រស់សោភា Miss Universe Cambodia 2025 គឺអ្នកនាង ថៃ នារីសុជាតា៕
