អ្នកគាំទ្រនិយមតាមដាន សកម្មភាពការងារសិល្បៈ និង ឯកជនរបស់លំដាប់រងទី ២ Miss Universe Cambodia 20222 កញ្ញា ហេង បូនីកា ច្បាស់ជាបានជ្រាបមកហើយថា បច្ចុប្បន្ន នាងកំពុងផ្ទុះប្រជាប្រិយភាពខ្លាំង ក្តោបបានការងារជាបន្តបន្ទាប់ផងដែរ។
អ្វីដែលគួរឱ្យចាប់អារម្មណ៍ អ្នកគាំទ្រក៏ធ្លាប់បានឃើញនូវសកម្មភាពនានារវាងកញ្ញា ហេង បូនីកា និង អ្នកនាង ឌី សូនិត្តា ដែលជារៀមច្បង និង សិស្សប្អូនក្នុងវិស័យសិល្បៈនឹងគ្នា ដោយមួយរយៈក្រោយនេះ តារាស្រីទាំង ២ តែផលិតមាតិកាផ្សេងៗជាមួយគ្នាផងដែរ។
ដោយឡែក ក្រៅពីការផលិតមាតិការួមគ្នានោះ អ្នកគាំទ្របានសង្កេតឃើញពីទំនាក់ទំនងរបស់កញ្ញា ហេង បូនីកា និង អ្នកនាង ឌី សូនិត្តា មើលទៅពិតជាស្និទ្ធស្នាលនឹងគ្នាខ្លាំងដូចបងប្អូនបង្កើត ខណៈពេលទំនេរតារាស្រីទាំង ២ ទៅណាមកណាជាមួយគ្នាមិនដាច់នោះឡើយ។
ក្នុងនោះ អ្នកគាំទ្របានសរសើរពីសម្ព័ន្ធភាពរបស់អ្នកទាំង ២ ថា ពិតជារាប់អានគ្នាចេញពីចិត្តមែន ព្រោះបើទោះជាមិនមែនជាបងប្អូនបង្កើតមែន ប៉ុន្តែតារាស្រី ២ រូប ខាងលើ ស្រឡាញ់ យកចិត្តទុកដាក់ មើលថែគ្នាយ៉ាងខ្លាំង៕
