នៅថ្ងៃទី ២ ខែមេសា ឆ្នាំ ២០២៥ នេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រតារាចម្រៀងរ៉េប ហ្សេដេស បានបង្ហាញការព្រួយបារម្ភយ៉ាងខ្លាំង ក្រោយពី Top3 The Rapper Cambodia រដូវកាលទី ១ រូបនេះ បានបង្ហោះរូបភាពកំពុងសម្រាកលើគ្រែពេទ្យ។
រូបភាពមួយសន្លឹកកំពុងសម្រាកលើគ្រែពេទ្យ និង កំពុងទទួលបានការពិនិត្យពីគ្រូពេទ្យនេះដែរ លោក ហ្សេដេស ក៏បានអមនូវសារមួយឃ្លាប្រាប់អ្នកគាំទ្រថា៖ «ប្រហែលជាខ្ញុំគេងមិនសូវគ្រប់គ្រាន់ ញុំាមិនសូវទៀងពេល បូករួមនឹងការងារច្រើន ទើបធ្វើឱ្យខ្ញុំបាក់កម្លាំងបែបនេះ! តែពេលនេះ ខ្ញុំបានធូរស្បើយច្រើនហើយ។ អរគុណសម្រាប់ការព្រួយបារម្ភ របស់អ្នកទាំងអស់គ្នា»។
ក្នុងនោះដែរ ក្រោយឃើញស្ថានភាពសុខភាពរបស់លោក ហ្សេដេស បែបនេះ អ្នកគាំទ្រក៏បានជូនពរដល់លោកឱ្យបានធូរស្រាល និង ថែទាំសុខភាពឱ្យបានល្អផង៕
