នាពេលថ្មីៗនេះ មហាជនអ្នកប្រើប្រាស់បណ្ដាញសង្គម បាននាំគ្នាផ្ទុះការចាប់អារម្មណ៍ទៅលើក្មេងស្រីតូច ដ៏គួរឱ្យស្រឡាញ់មួយរូប ដែលបានឈរលក់ផ្កាជូនអ្នកធ្វើដំណើរកម្សាន្ត ជាមួយទឹកដមសម្ដីផ្អែមស្រទន់ បូករួមទឹកមុខគួរឱ្យអាណិតស្រឡាញ់ ឆក់យកបេះដូងភ្ញៀវទេសចរមិនទិញមិនបាន។
ដោយកាយវិការគួរឱ្យអាណិតស្រឡាញ់របស់ក្មេងស្រី និង ត្រូវបានថតបង្ហោះដោយភ្ញៀវទេសចរណ៍ បានជ្រាបដំណឹងទៅដល់សម្ដេចតេជោ ហ៊ុន សែន ដែលនៅព្រឹកថ្ងៃទី ២៣ ខែមេសា ឆ្នាំ ២០២៥ នេះ សម្ដេចបានប្រកាសស្វែងរកក្មេងស្រីដ៏គួរឱ្យស្រឡាញ់រូបនេះ ព្រមទាំងចង់ដឹងពីរឿងចាត់ចែងរបស់ឪពុកម្ដាយក្មេងស្រីផងដែរ។
ជាក់ស្ដែង តាមរយៈផេករបស់សម្ដេចតេជោ ហ៊ុន សែន បានមានប្រសាសន៍ឱ្យដឹងថា ៖ «ពិតជាគួរឱ្យអាណិត និង ស្រឡាញ់ចៅណាស់ តែក៏ចង់ដឹងពីរឿងចាត់ចែងរបស់ឪពុកម្តាយផងដែរ។ ពេលនេះខ្ញុំកំពុងស្វែងរកចៅស្រីដែលគួរឱ្យស្រឡាញ់នេះ សូមមេត្តាជួយប្រាប់ផង»៕
