នៅសល់ប៉ុន្មានថ្ងៃទៀត ព្រះរាជពិធីបុណ្យអុំទូក បណ្ដែតប្រទីប សំពះព្រះខែ និង អកអំបុក បានឈានមកដល់ ក្រឡេកទៅមើលលើបណ្ដាញសង្គមរបស់អ្នកសិល្បៈមួយចំនួនវិញ បានឃើញបង្ហាញសកម្មភាពតុបតែងខ្លួន គ្រងឈុតប្រពៃណីបុរាណខ្មែរតាមតួអង្គផ្សេងៗកាន់ប្រទីប បង្ហោះលើហ្វេសប៊ុកជាបន្តបន្ទាប់។
ជាក់ស្ដែង ក្រឡេកទៅមើលហ្វេសប៊ុករបស់តារាស្រីល្បីឈ្មោះ មាន សូនីតា វិញ ក៏បានធ្វើឱ្យមហាជនអ្នកគាំទ្រមានការចាប់អារម្មណ៍ខ្លាំងដែរ ខណៈបានឃើញកញ្ញាបង្ហោះរូបភាពជាច្រើនសន្លឹកប្លែកពីតារាដទៃក្នុងឱកាសអបអរថ្ងៃបុណ្យអុំទូកខាងមុខនេះ ដោយកញ្ញាបានតុបតែងខ្លួនជានារីរាំលើក្បាលទូក និង បានឡើងទូកងថតរូបភាពដោយផ្ទាល់នៅលើទន្លេទៀតផង។
រូបភាពជាច្រើនសន្លឹកនៃសកម្មភាពភាពរបស់កញ្ញា មាន សូនីតា ថតរូបលើទូកងដោយផ្ទាល់នេះដែរ ត្រូវបានមហាជនអ្នកគាំទ្រចាប់អារម្មណ៍ចែករំលែក និង សរសើរពីរូបសម្រស់ដ៏ស្រស់ស្អាតប្លែកក្នុងឈុតប្រពៃណីបុរាណរាំលើក្បាលទូកនេះផងដែរ៕
