ខណៈសមរភូមិមុខ ដែលកំពុងមានកងទ័ពកម្ពុជាកំពុងតតាំងនឹងចោរថៃឈ្លានពានទឹកដីហើយនោះ ក្រឡេកមកមើលសមរភូមិក្រោយ ដោយមានប្រជាពលរដ្ឋទូទាំងប្រទេស មិនត្រឹមតែបានបង្ហាញការលើកទឹកចិត្តពីចម្ងាយនោះទេ ប៉ុន្តែម្នាក់ៗក៏កំពុងតែសស្រាក់សស្រាំជួយប្រមូលស្បៀងអាហារដល់កម្លាំងកងទ័ព និង ជនភៀសសឹកផងដែរ។
ក្នុងនោះ គេបានឃើញបណ្តាស្ថាប័នរដ្ឋ ឯកជន និង ប្រជាជពលរដ្ឋបានបង្កើតមូលនិធិ ព្រមទាំងទីតាំងនៃការទទួលស្បៀងអាហារជាបន្តបន្ទាប់ ដើម្បីដឹកជញ្ជូនទៅកាន់សមរភូមិមុខ ជាពិសេសជនភៀសសឹក ដែលបានជម្លៀសចេញពីទីលំនៅទៅកាន់ទីសុវត្ថិភាព។
យ៉ាងណាមិញ ក្រឡេកមកកាន់សិល្បករ សិល្បការិនី Influencer ជាច្រើន ក៏បានបង្ហាញកម្លាំងសាមគ្គីភាពក្នុងនាមជាខ្មែរ ដោយកំពុងតែពង្រាយទីតាំងនៃការទទួលស្បៀងនៅតាមបណ្តា និង តាមខេត្តក្រុង។ លើសពីនោះ ខណៈការទទួលស្បៀងនៅតែបន្ត សម្រាប់ការដឹកជញ្ជូនស្បៀងក៏នៅតែដឹក ដោយក្នុងនោះក៏មានអ្នកបានទៅផ្ទាល់ដល់ទីតាំងទៀតផង៕
