មហាជនអ្នកគាំទ្ររបស់កំពូលតារាចម្រៀង ឱក សុគន្ធកញ្ញា សុទ្ធសឹងតែចាប់អារម្មណ៍សរសើរហើយពីរូបសម្រស់របស់អ្នកម៉ាក់កូន ២ រូបនេះ ទោះបីជាពេលនេះ អ្នកនាងមានមានឈ្មោះជាអ្នកម៉ាក់គេមែន និង មានវ័យក៏រៀងជ្រេហើយបន្តិច ប៉ុន្តែអ្នកនាងនៅតែរក្សាសម្រស់បានស្រស់ស្អាតក្មេងខ្ញង់ដដែល។
លើសពីនេះ អ្នកម៉ាក់រូបស្រស់ ឱក សុគន្ធកញ្ញា កន្លងមក មិនថាចូលរួមកម្មវិធីតូចធំ ឬឡើងឆាកតន្រ្តីផ្សេងៗនោះទេ កំពូលតារាចម្រៀងរូបនេះ មិនដែលធ្វើឱ្យអ្នកគាំទ្រខកចិត្តម្ដងឡើយលើការតុបតែងខ្លួនរបស់អ្នកនាង ដែលមានស្ទីលធ្វើខ្លួនថ្មីៗប្លែកស្អាតទាក់ទាញគ្រប់កម្មវិធី ទាំងក្នុងឈុតបែបប្រពៃណីទន់ភ្លន់ និង បែបសម័យថ្មីផងដែរ។
ជាក់ស្ដែង មួយរយៈថ្មីនេះ កំពូលតារាចម្រៀង ឱក សុគន្ធកញ្ញា កាន់តែធ្វើឱ្យមហាជនអ្នកគាំទ្រសរសើរលើស្ទីលលេងខ្លួនរបស់អ្នកនាង ជាពិសេសពេលបង្ហាញវត្តមានលើឆាកតន្រ្តីឯកជនផ្សេងៗ អ្នកនាងនិយមលេងខ្លួនស្ទីលបែបរ៉ក់ ជះសម្រស់សង្ហាទាក់ចិត្តអ្នកគាំទ្រឱ្យលង់ស្នេហ៍អ្នកនាងមិនតិចនោះដែរ៕
