អ្នកគាំទ្រតារាសម្តែងប្រុស ព្រីន ច្បាស់ជាបានជ្រាបហើយថា មួយឆ្នាំចុងក្រោយនេះ លោកមិនសូវបានបង្ហាញវត្តមានក្នុងការសម្តែងខ្សែភាពយន្តដូចមុននោះឡើយ ដោយលោកហាក់មមាញឹកក្នុងជំនាញផ្សេងលើវិស័យសិល្បៈ។
ក្រោយរយាលក្នុងការសម្តែងភាពយន្ត លោក ព្រីន បានផ្តោតទៅលើការងារដូចជា ការថតផ្សព្វផ្សាយផលិតផល ការផលិតមាតិកាកម្សាន្តនានា និង ជា BA របស់បណ្តាក្រុមហ៊ុនមួយចំនួនទៀតផង។ លើសពីនោះ អ្វីដែលគួរឱ្យចាប់អារម្មណ៍ គឺការវិវត្តន៍ខ្លួនក្លាយទៅជាតារាចម្រៀង។
ជាការពិតណាស់ មួយឆ្នាំចុងក្រោយនេះ លោក ព្រីន បានបន្ថែមងារពីតារាសម្តែង ក្លាយទៅជាតារាចម្រៀងមួយរូប ខណៈលោក បានផលិតបទចម្រៀងជាច្រើន និង ទទួលបានការគាំទ្រយ៉ាងសម្បើមពីមហាជន។
ក្នុងនោះ ស្ទើរតែរាល់បទចម្រៀងរបស់លោក ព្រីន មួយបទៗចេញមកទទួលបានប្រជាប្រិយភាពខ្លាំង ក៏ព្រោះលោកបានសម្រិតសម្រាំងទាំងការនិពន្ធទំនុកភ្លេង និង ទំនុកច្រៀង មានទាំងសម័យ បុរាណច្របាច់បញ្ជូលគ្នាជារសជាតិថ្មី ដែលអ្នកគាំទ្របច្ចុប្បន្ននិយមចូលចិត្តស្ដាប់។ ម្យ៉ាងវិញទៀត លោក ក៏បានសហការណ៍ផលិតចម្រៀងជាមួយនឹងរៀមច្បងជាច្រើនរូប រួមមានរាជនីសំឡេង ម៉េង កែវពេជ្ជតា ទៀតផង៕
