ជារឿងរ៉ាវមួយដ៏គួរឱ្យអស់សំណើចជាខ្លាំង ដែលមានសត្វសេះបង្កង់មួយក្បាលលួចគេចពីម្ចាស់ ចេញមករត់លេងពេញទីក្រុង រហូតដល់គេតាមស្ទូចចាប់ផ្អើលមហាជនអស់សំណើចលាន់។
តាមព័ត៌មានបានឱ្យដឹងថា សេះបង្កង់មួយក្បាលនេះមានឈ្មោះថា Ed វាបានរត់គេចពីម្ចាស់តាំងពីថ្ងៃទី ៣០ ខែឧសភា ឆ្នាំ ២០២៥ កន្លងទៅ ហើយចេញមករត់លេងកម្សាន្តតែម្នាក់ឯងពេញរដ្ឋ Tennessee សហរដ្ឋអាមេរិក។ ដោយឡែក ម្ចាស់របស់វាក៏បានផ្តល់ដំណឹងទៅកាន់អាជ្ញាធរ ហើយអាជ្ញាធរក៏បានតាមរក រួចក៏បានបិទផ្លូវដើម្បីតាមចាប់វា កាលពីថ្ងៃទី ៩ ខែមិថុនា ឆ្នាំ ២០២៥ កន្លងទៅ ដោយបានប្រើការស្ទាក់ចាប់ និង ស្ទូចវាតាមរយៈឧទ្ធម្ភាគចក្រ។
យ៉ាងណាមិញ មហាជនពិតជាអស់សំណើចចំពោះរឿងរ៉ាវរបស់ Ed ខ្លាំងណាស់ ជាពិសេសគឺគេកាន់តែអស់សំណើចនៅពេលដែលវាត្រូវបានឧទ្ធម្ភាគចក្រស្ទូចទៅ ដោយម្នាក់ៗនាំគ្នានិយាយថា ពេលខ្លះសត្វក៏មានការស្រ្តេស និង ចង់ដើរលេងលម្ហែអារម្មណ៍មិនខុសពីមនុស្សនោះទេ៕
ប្រភព៖ Khaosod
