តាមរយៈសារព័ត៌មានម៉ាឡេស៊ី Bernama នៅថ្ងៃទី ២៨ ខែកក្កដា ឆ្នាំ ២០២៥ នេះ បានឱ្យដឹងថា នាយករដ្ឋមន្ត្រីម៉ាឡេស៊ី លោក Anwar Ibrahim បានទទួលស្គាល់ថាកិច្ចចរចារវាងមេដឹកនាំកម្ពុជា និង ថៃ គ្រោងនឹងប្រព្រឹត្តទៅនៅថ្ងៃចន្ទ ទី ២៨ ខែកក្កដា ដើម្បីពិភាក្សាអំពីបទឈប់បាញ់មួយរវាងប្រទេសទាំង ២។
តាមរយៈលោក Anwar Ibrahim កិច្ចចរចារវាងកម្ពុជា និង ថៃ នឹងចាប់ផ្ដើមប្រព្រឹត្តទៅនៅម៉ោង ៣ រសៀល ថ្ងៃទី ២៨ ខែកក្កដា ត្រូវនឹងម៉ោង ២ រសៀលម៉ោងនៅកម្ពុជា ដែលក្នុងនោះលោកនាយករដ្ឋមន្ត្រីម៉ាឡេស៊ី បានគូសបញ្ជាក់ដូច្នេះថា «រដ្ឋាភិបាលកម្ពុជា និង ថៃ បានស្នើសុំឱ្យខ្ញុំព្យាយាម និង សម្របសម្រួលស្វែងរកសន្តិភាព ដូច្នេះយើងនឹងធ្វើជាម្ចាស់ផ្ទះរៀបចំកិច្ចចរចា នៅម៉ោង ៣ រសៀល (ថ្ងៃទី ២៨ ខែកក្កដា»។
គួរឱ្យដឹងផងដែរថា កិច្ចចរចានេះត្រូវបានប្រកាសរៀបចំឡើង ក្រោយប្រធានាធិបតីអាមេរិក លោក ដូណាល់ ត្រាំ ជំរុញឱ្យភាគីជម្លោះទាំង ២ ស្វែងរកដំណោះស្រាយបិទបញ្ចប់ជម្លោះ៕
ប្រភព ៖ Fresh News
