នៅថ្ងៃទី ២៦ ខែកញ្ញា ឆ្នាំ ២០២៥ នេះ តាមរយៈផេក Master Naly Fengshui របស់អ្នកគ្រូណាលី ដែលជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាព បានចែករំលែកអំពីចំណេះដឹងនៃផ្ទះទៅតាមក្បួនហុងស៊ុយ ដែលក្នុងនោះអ្នកគ្រូ បានលើកឡើងពីលក្ខណៈនៃផ្ទះដែលមានវិញ្ញាណអរូប។
ជាក់ស្ដែង អ្នកគ្រូបានបញ្ចាក់ដូច្នេះថា ៖ «ផ្ទះមានវិញ្ញាណអរូប គឹផ្ទះមានភាពងងឺត ត្រជាក់មិនមានខ្យល់ចេញចូល ជាពិសេសនៅទិសខាងត្បូងឆៀងលិច ប្រសិនបើមានការរៀបចំរបស់របរ មិនមានសណ្ដាប់ធ្នាប់ នោះនឹងទាក់ទាញវិញ្ញាណអរូបមកនៅ»។
គួរឱ្យដឹងផងដែរថា អ្នកគ្រូ ណាលី ត្រូវបានមហាជនស្គាល់ថាជាគ្រូហុងស៊ុយបែបវិទ្យាសាស្ត្រដ៏មានប្រជាប្រិយភាពមួយរូប ព្រមទាំងជាម្ចាស់ក្រុមហ៊ុន ម៉ាស្ទ័រ ណាលីហុងស៊ុយ ដែលមានឈ្មោះល្បីល្បាញ តាមរយៈការចែករំលែកចំណេះដឹងផ្នែកហុងស៊ុយ បែបវិទ្យាសាស្ត្រនៅក្នុងជីវិតរស់នៅ ក៏ដូចជាការណែនាំពីការរៀបចំពិធីនានា ឱ្យបានត្រឹមត្រូវតាមក្បួនហុងស៊ុយ៕
