វ័យមិនទាន់ ៣០ ឆ្នាំផង នារីខ្មែរ ៣ រូប បង្កើតម៉ាកផលិតផលសម្រស់ជោគជ័យខ្លាំង អ្នកគាំទ្រសម្រុកទិញដូចទឹកបាក់ទំនប់

មួយរយៈក្រោយនេះ ប្រជាជនយើងហាក់ងាកមកគាំទ្រផលិតផលក្នុងស្រុក ខណៈដែលគុណភាព និង ស្តង់ដាផលិតមិនចាញ់ម៉ាកល្បីៗពីបរទេស។ ចំណោមនោះ ឃើញថាម៉ាកផលិតផលសម្រស់ ដែលបង្កើតឡើងដោយកូនខ្មែរវ័យក្មេង កំពុងទទួលបានប្រជាប្រិយភាពគួរឱ្យកត់សម្គាល់។ ជាក់ស្តែង ដូចជាស្ថាបនិក ៣ រូប ដែលគេស្គាល់ថាជា Influencer ពួកគេបានបង្កើតផលិតផលផាត់មុខ ជាម៉ាកយីហោផ្ទាល់ខ្លួន ហើយបច្ចុប្បន្នកំពុងកាក់កបមានទីផ្សារខ្លាំងពីយុវវ័យ។​

១. ជា ស្រីនា

ក្រៅពីជា Influencer ជា YouTuber ជាម្ចាស់សម្អាងការ ជា ស្រីនា ក៏ជាស្ថាបនិកផលិតផលផាត់មុខម៉ាក WeYoung ជាឡេការពារកម្តៅថ្ងៃ Skin Filter Sunscreen ដែលអាចប្រើជំនួសម្សៅទ្រនាប់ (Foundation) ផង និង Cushion ផង។

២. ពេជ្រ ពិសី

តាមរយៈការបង្កើតមាតិកាវីដេអូចម្រុះ ជាពិសេស ការធ្វើដំណើរកម្សាន្ត របៀបរស់នៅប្រចាំថ្ងៃ ការស្លៀកពាក់ រួមទាំងការធ្វើសប្បុរសធម៌ផងនោះ ពេជ្រ ពិសី ក៏បានធ្វើជំនួញបង្កើតម៉ាកផលិតផលផាត់មុខឈ្មោះថា ផ្កា។ ពណ៌ផាត់ថ្ពាល់ផ្ការបស់នាង អាចប្រើបានទាំងសម្រាប់ធ្វើជាពណ៌ផាត់លើបបូរមាត់ និង​ ភ្នែកផងដែរ។

៣. ដា ដាវ

ជា Influencer មានស្ទីលហ្វេហ្សិនមិនច្រឡំគេ ដា ដាវ បានបង្កើតផលិតផលផាត់មុខ ដែលប្រណីត មើលមកលំដាប់ខ្ពស់ មានម៉ាកយីហោឈ្មោះថា AMORE ។ ផលិតផលរបស់នាង មានច្រើនយ៉ាងរាប់តាំងពីក្រែមបបូរមាត់ ពណ៌ផាត់ថ្ពាល់ Shimmer Oil ជែលសិតចិញ្ចើម រួមទាំងទឹកអប់ផងដែរ៕