និយាយពីតារាសម្ដែងស្រីល្បីឈ្មោះកញ្ញា រចនា រ៉ាវ៉ាឌី មិនត្រឹមតែទទួលបានការចាប់អារម្មណ៍គាំទ្រខ្លាំងពីជីវិតលើវិស័យសិល្បៈនោះទេ តែតារាស្រីរូបនេះ ក៏ត្រូវបានមហាជនអ្នកគាំទ្រតាមដានខ្លាំងពីជីវិតឯករបស់នាង ដោយតែងបង្ហាញជីវិតយ៉ាងហាយសូរ ជិះឡានទំនើបៗ ប្រើរបស់ប្រ៊េន និង ដើរកម្សាន្តយ៉ាងរីករាយជាមួយនឹងជីវិតនៅលីវរបស់នាង បន្ទាប់ពីកាន់តែទទួលភាពជោគជ័យមានឈ្មោះល្បីក្នុងវិស័យសិល្បៈ។
ជាក់ស្ដែង មកដល់ចុងឆ្នាំ ២០២៤ នេះ រចនា រ៉ាវ៉ាឌី បានធ្វើឱ្យមហាជនអ្នកគាំទ្រកាន់តែចាប់អារម្មណ៍ខ្លាំងទៀតចំពោះជីវិតឯកជនរបស់នាង ខណៈបានឃើញនាងហោះពីប្រទេសមួយទៅប្រទេសមួយ មានប្រទេសកូរ៉េ និង ថៃ ដើរកម្សាន្តចាយជីវិតយ៉ាងហាយសូរ និង រីករាយខ្លាំង។
ជាមួយនឹងការធ្វើដំណើរកម្សាន្តយ៉ាងហាយសូរនេះដែរ រចនា រ៉ាវ៉ាឌី បានបញ្ចេញរូបភាពបង្ហោះលើបណ្ដាញសង្គមរបស់នាងជាបន្តបន្ទាប់ បង្ហាញពីសកម្មភាពជាហូរហែរសុទ្ធសឹងតែកន្លែងដ៏ស្អាតៗល្បីៗ៕
