បើគិតមកដល់ពេលនេះ រយៈពេលប្រមាណជា ១ ឆ្នាំមកហើយ ដែលកូនប្រុសទី ២ របស់កំពូលតារាចម្រៀងឧកញ៉ា ព្រាប សុវត្ថិ គឺលោក សុវត្ថិ មុនីនាគ បានបាត់វត្តមានក្នុងវិថីសិល្បៈនៅប្រទេសកម្ពុជា។
ក្នុងនោះ គេបានដឹងថា ការបាត់មុខនេះគឺលោក សុវត្ថិ មុនីនាគ បានធ្វើដំណើរទៅកាន់សហរដ្ឋអាមេរិក ដើម្បីបំពេញក្តីស្រមៃក្នុងដំណើរសិល្បៈបន្ថែម ដោយបច្ចុប្បន្នលោកកំពុងសិក្សាផ្នែករាំ និង ច្រៀងនៅឯ Millennium Dance Complex នៅរដ្ឋ Los Angeles។
នៅលើបណ្ដាញសង្គមអ៊ីនស្ដាក្រាមពេលថ្មីៗនេះ លោក សុវត្ថិ មុនីនាគ បានធ្វើឱ្យអ្នកគាំទ្រកាន់តែចាប់អារម្មណ៍ទៅលើលោកបន្ថែមទៀត ដោយលោកបានលេចវត្តមានក្នុងឆាកសម្តែងមួយនៅសហរដ្ឋអាមរិក និង បានប្តូរឈ្មោះលើឆាកអន្តរជាតិពី សុវត្ថិ មុនីនាគ ទៅជា N.John។
យ៉ាងណាមិញ ក្រោយហ្វឹកហាត់នៅក្រៅប្រទេសមួយរយៈធំហើយនោះ នៅថ្ងៃទី ២៨ ខែកុម្ភៈ ឆ្នាំ ២០២៥ លោក N.John នឹងបញ្ចេញចម្រៀងថ្មីរបស់ខ្លួនហើយ ដោយពេលនេះ គេបានឃើញឧកញ៉ា ព្រាប សុវត្ថិ និង កូនៗ ព្រមទាំងភរិយា បានបង្ហាញការគាំទ្រ និង លើកទឹកចិត្តដល់កូនប្រុសពីចម្ងាយយ៉ាងកក់ក្តៅ។
ក្នុងនោះ ឧកញ៉ា ព្រាប សុវត្ថិ បានយកនូវ Poster ចម្រៀងថ្មីរបស់កូនប្រុសទី ២ ទៅគ្រប់ទីកន្លែង និង ផ្សព្វផ្សាយស្នាដៃថ្មីរបស់កូន ដែលនឹងចេញឆាប់ៗខាងមុខនេះ៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
