ចំពោះជីវិតប្ដីប្រពន្ធរបស់កំពូលតារាចម្រៀងស្រី ឱក សុគន្ធកញ្ញា និង ស្វាមី កន្លងមកតែងធ្វើឱ្យមហាជនអ្នកគាំទ្រលើបណ្ដាញសង្គមលួចច្រណែនស្ញប់ស្ញែង ខណៈអ្នកនាង និង ស្វាមី បានចាប់ដៃគ្នាសាងគ្រួសារដ៏កក់ក្ដៅពេញដោយសុភមង្គល មានកូនៗដ៏គួរឱ្យស្រឡាញ់។
ម្យ៉ាងវិញទៀត ដ្បិតតែរៀបការច្រើនឆ្នាំ និង មានទាយាទចំនួន ២ នាក់រួចហើយមែន តែចំណងស្នេហារបស់អ្នកនាង ឱក សុគន្ធកញ្ញា និង ស្វាមី នៅតែផ្អែមល្ហែមពេញដោយក្ដីស្រឡាញ់ និង ការយកចិត្តទុកដាក់មើលថែគ្នាដូចគូស្នេហ៍ថ្មីថ្មោង។
ជាក់ស្ដែង ថ្មីៗនេះ អ្វីកាន់តែធ្វើឱ្យមហាជនអ្នកគាំទ្រចាប់អារម្មណ៍រំភើប ខណៈបានឃើញវីដេអូរបស់អ្នកនាង ឱក សុគន្ធកញ្ញា និង ស្វាមី ក្នុងកម្មវិធីមួយប្រជុំដោយអ្នកសិល្បៈជាច្រើន ដែលប្ដីប្រពន្ធអ្នកទាំងពីរ បានបង្ហាញកាយវិការឱបថើបយ៉ាងផ្អែមមុខគេឯង ធ្វើឱ្យមិត្តអ្នកសិល្បៈរំភើបអៀនជំនួសផងដែរ៕
សូមចុចទីនេះដើម្បីទស្សនាវីដេអូ៖
