មហាជនអ្នកគាំទ្រដែលបានទស្សនាភាពយន្តខ្នាតធំបែបគំនូរជីវចលដ៏ល្បីរបស់ចិន «Ze Zha» បានជ្រាបហើយថាភាពយន្តនេះ ផ្ទុះការចាប់អារម្មណ៍គាំទ្រខ្លាំងនៅទូទាំងប្រទេស ជាពិសេសមហាជនអ្នកគាំទ្រខ្មែរជាច្រើន ដែលបានទស្សនាហើយ នាំគ្នាផ្ទុះចែករំលែកពេញបណ្ដាញសង្គម។
ភាពយន្តខ្នាតធំគំនូរជីវចលដ៏ល្បីល្បាញនេះដែរ អាចឆក់បានការចូលចិត្តទស្សនាពីមហាជន ទាំងសាច់រឿង ទាំងតួអង្គនីមួយៗក្នុងភាពយន្តនេះ សុទ្ធសឹងតែមានចំណុចទាក់ទាញគួរឱ្យចង់មើល ជាពិសេសរួមបញ្ចូលនឹងការបកប្រែបញ្ចូលសំឡេងជាភាសាខ្មែរវិញ រឹតតែគួរឱ្យចាប់អារម្មណ៍ មានភាពក្រមិចក្រមើមល្អមើលខ្លាំងថែមមួយកម្រិតទៀត។
យ៉ាងណាមិញ បើនិយាយទាក់ទងនឹងការបញ្ជូលសំឡេងជាភាសាខ្មែរក្នុងភាពយន្តចិន «Ze Zha» ថ្មីៗនេះ លើបណ្ដាញសង្គមបានផ្ទុះចាប់អារម្មណ៍ខ្លាំង ក្រោយពីឃើញវីដេអូមួយបង្ហាញមុខម្ចាស់សំឡេង ដែលបញ្ចូលសំឡេងភាសាខ្មែរក្នុងតួអង្គចាណា និង តួអង្គម្ដាយណាចា ក្នុងភាពយន្តខ្នាតធំនេះ ដែលត្រូវបានគេស្គាល់ថាជាអ្នកបញ្ចូលសំឡេងអាជីព ២ រូប មានស្នាដៃបញ្ចូលសំឡេងតួអង្គក្នុងសាច់រឿងជាច្រើនកន្លងមក៕
សូមចុចទីនេះដើម្បីទស្សនាវីដេអូ៖
