កាលពីថ្ងៃ ៧ ខែមិថុនា ឆ្នាំ ២០២៥ កន្លងទៅ Miss Supranational Cambodia 2025 កញ្ញា ឈុំ ចាន់ដារ៉ា បានចេញដំណើរទៅកាន់ប្រទេសប៉ូឡូញ ដើម្បីតំណាងកម្ពុជាចូលរួមប្រកួតលើឆាកអន្តរជាតិ Miss Supranational 2025 ដែលកម្មវិធីបានចាប់ផ្ដើមដំណើរការនៅថ្ងៃទី ៩ ខែមិថុនា ឆ្នាំ ២០២៥ នេះ។
មកដល់ពេលនេះ រយៈពេល ៣ ថ្ងៃហើយ ដែល កញ្ញា ឈុំ ចាន់ដារ៉ា បាន និង កំពុងស្ថិតក្នុងកងប្រកួតកម្មវិធីអន្តរជាតិ Miss Supranational 2025 នៅប្រទេសប៉ូឡូញ ដែលឃើញថាកញ្ញា និង បេក្ខភាពបវរកញ្ញាមកពីបណ្ដាប្រទេសផ្សេងៗ កំពុងតែបង្ហាញសកម្មភាពយ៉ាងសកម្ម ធ្វើការហ្វឹកហាត់ ក៏ដូចជាមានការជួបជុំ ធ្វើដំណើរទស្សនកិច្ចរួមគ្នានៅលើទឹកដីប្រទេសប៉ូឡូញ។
ក្នុងកងប្រកួតលើឆាកអន្តរជាតិប៉ុន្មានថ្ងៃនេះដែរ បវរកញ្ញាកម្ពុជា ឈុំ ចាន់ដារ៉ា កំពុងត្រូវបានមហាជនអ្នកគាំទ្រខ្មែរចាប់អារម្មណ៍ និង សរសើរជាមួយនឹងសកម្មភាពរបស់នាង ដែលបវរកញ្ញារូបនេះ មានភាពជឿជាក់ស្វាហាប់ខ្លាំងក្នុងដំណើរការប្រកួត ទាំងការប្រើប្រាស់ភាសា ទាំងទំនាក់ទំនង និង ការរៀបចំខ្លួនឆ្វាចៗមិនឱ្យចាញ់បវរកញ្ញាប្រទេសដទៃឡើយ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
