(វីដេអូ) អ្នកគាំទ្រសរសើរ យក់ ឋិតរដ្ឋា សំណាងខ្លាំង មានស្វាមីល្អស្រឡាញ់តាមមើលថែជួយគាំទ្រគ្រប់កន្លែង

និយាយពីតារាចម្រៀងស្រីចាស់វស្សាអ្នកនាង យក់ ឋិតរដ្ឋា មហាជនបានជ្រាបហើយថាប៉ុន្មានឆ្នាំក្រោយនេះ អ្នកនាងបានវិលត្រឡប់មកកាន់វិស័យចម្រៀងពេញទំហឹងវិញ ដែលបានបញ្ចេញស្នាដៃបទចម្រៀងថ្មីៗពេញនិយម ក្ដោបយកប្រជាប្រិយភាពជាថ្មី។

ស្របពេលបោះជំហានឡើងឆាកជាថ្មីនេះ កន្លងមកអ្នកនាង យក់ ឋិតរដ្ឋា ក៏បានជួបព្យុះភ្លៀងមិនតិចដែរពីលើបណ្ដាញសង្គម ដោយធ្លាប់ទទួលរងការរិះគន់ផ្សេងៗ និង មានការ Bully លើរូបសម្រស់របស់អ្នកនាងទៀតផង ប៉ុន្តែសម្រាប់តារាស្រីរូបនេះ ក៏មិនដែលចុះចាញ់ឡើយ ខណៈទទួលបានការលើកទឹកចិត្តច្រើនពីបណ្ដាអ្នកគាំទ្ររបស់អ្នកនាង មិត្តអ្នកសិល្បៈ ជាពិសេសគឺកម្លាំងចិត្តពីស្វាមីជាទីស្រឡាញ់ គឺលោក ឃុំ ប៉ុណ្ណាដែត តែងនៅពីក្រោយជួយលើកទឹកចិត្តអ្នកនាងគ្រប់ពេល។

មកដល់ពេលនេះ អ្នកនាង យក់ ឋិតរដ្ឋា ក៏កំពុងក្ដោបបានទីផ្សារកាន់តែខ្លាំង ដោយតែងឃើញបង្ហាញវត្តមានលើឆាកប្រគំតន្រ្តីតូចធំជាច្រើន រីឯរូបសម្រស់វិញកាន់តែក្មេងស្រស់ស្អាត ខណៈសំងំថែសម្រស់កែកុនបន្ថែមបន្តិចរឹតតែខ្ញង់ ធ្វើឱ្យអ្នកគាំទ្រសរសើរមិនដាច់ពីមាត់។

លើសពីនេះ អ្វីកាន់តែធ្វើឱ្យអ្នកគាំទ្រចាប់អារម្មណ៍ និង សរសើរចំពោះតារាចម្រៀងស្រីរូបនេះទៀត ខណៈឃើញថាអ្នកនាងមានសំណាងខ្លាំង មានស្វាមីល្អតែងនៅពីក្រោយជួយគាំទ្រលើកទឹកចិត្តជាប់រហូតទាំងជោគជ័យ និង ជួបបញ្ហាផ្សេងៗ ដែលគេតែងឃើញលោក ឃុំ ប៉ុណ្ណាដែត តាមមើលថែឈរមើលភរិយាឡើងឆាកច្រៀង និង ផ្ដល់កម្លាំងចិត្តគ្រប់កន្លែង៕

សូមចុចទីនេះដើម្បីទស្សនាវីដេអូ៖

សូមចុចទីនេះដើម្បីទស្សនាវីដេអូ៖

សូមចុចទីនេះដើម្បីទស្សនាវីដេអូ៖