បើទោះជាមិនបានវិលចូលសិល្បៈវិញទាំងស្រុងដូចមុនក្តី តែតារាស្រី អូនផ្កាយ នៅតែទទួលបានការគាំទ្រ និង ស្រឡាញ់ចូលចិត្តពីសំណាក់មហាជន ខណៈបានឃើញការតស៊ូ និង ប្រឹងប្រែងរកស៊ីរបស់នាងតាមរយៈបណ្តាញសង្គមនានាកន្លងមក។
ក្នុងនោះដែរ អ្វីដែលធ្វើឱ្យមហាជនសរសើរដល់ អូនផ្កាយ ផងនោះ គឺជីវិតគូរបស់នាង ដោយកន្លងមក បើទោះជានាងជួបរឿងលំបាកជាបន្តបន្ទាប់ក្នុងជីវិត និង ការរកស៊ីក្ដី តែ អូនផ្កាយ នៅមានស្វាមីតាមជួយមើលថែ ផ្តល់កម្លាំងចិត្តជានិច្ច។
យ៉ាងណាមិញ ថ្មីៗនេះ អ្នកគាំទ្រកំពុងផ្ទុះការចាប់អារម្មណ៍ និង កើតមានចម្ងល់ពាក់ព័ន្ធនឹងជីវិតគូរបស់ អូនផ្កាយ បន្ទាប់ពីឃើញតារាស្រីរូបនេះ បានបង្ហោះរូបមួយសន្លឹកជាមួយស្វាមី និង កូនៗទាំង ២ ដោយយក Sticker ដាក់បាំងមុខរបស់ស្វាមី។ លើសពីនោះ រូបភាពបាំងមុខស្វាមីនោះដែរ អូនផ្កាយ បានអមនឹងសារសំឡេងសោកសៅ ដូចជាការបែកបាក់គ្នា។
តែការបង្ហោះនោះ បើទោះជាមានការសង្ស័យពីអ្នកគាំទ្រ និង បង្ហាញការបារម្ភក៏ពិតមែន ប៉ុន្តែម្ចាស់សាមីខ្លួន នៅមិនទាន់ចេញមកបញ្ជាក់ច្បាស់ៗ ថាជាការពិត ឬយ៉ាងណានៅឡើយនោះទេ៕
សូមចុចទីនេះ ដើម្បីទស្សនាវីដេអូ៖
